Mandela Nel'son

<table class="infobox infobox- " style="" data-name="Personalii" >

Nel'son Holilala Mandela (kos.: Nelson Rholihlahla Mandela [xo'liɬaɬa man'de:la], afrikaans i angl.: Nelson Rolihlahla Mandela [mæn'dɛlə]; sünd. 18. heinku 1918, Mfezo-külä läz Mtat-lidnad, Kapan provincii, Suviafrikan Ühtnend — kol. 5. tal'vku 2013, Johannesburg, Gauteng, Suviafrikan Tazovaldkund) oli suviafrikanine politikanmez' da valdkundan šingotai. Radoi Suviafrikan Tazovaldkundan prezidentan (10.05.1994—14.06.1999). Nobelän premijan kožundas laureat (1993) ühtes Frederik De Klerkanke.

Biografii

Laps'aigan Mandela openui metodistižes alaškolas, sai alakeskopendust Klarkberi-institutas-internatas. Mez' openzihe koumes universitetas. Kändihe Afrikanižen nacionaližen kongressan (valdkundan afrikalaižiden kaikiš suremb partii) ühtnijan vl 1944 i oli sen Norišton ühtnendan alusenpanijoiden keskes, radoi ühtnendan radonoigendajas komitetas. Zavodi aktivišt politišt kar'jerad vl 1948, konz aparteidan polenpidai Nacionaline afrikaneroiden partii sai vägestust valičendoil. Sil-žo vodel Mandela kändihe Norišton ühtnendan nacionaližeks sekretarikš, vl 1950 — prezidentaks.

Vn 1956 5. päiväl tal'vkud Mandela i toižed 150 ristitud oliba puttud arestan alle, tobmuz tedoti heid kommunizman polenpidajikš i väriti tobmuden anastandan vägel vaumičendas. Process mäni vhesai 1961, sid' pästtihe kaikid muite. Nel'son Mandela oli ühteks kaikiš tetabiš borcuišpäi aparteidan aigan SAT:as, 27 vot oli türmatud necen tagut (5.08.1962—11.02.1990).

Vozil 1991−1997 Mandela oli Afrikanižen nacionaližen kongressan prezidentan. Prezidentan strokun aigan panihe eloho äjid socializacijan programid muzaveren ristitišton täht: bazine medicinine abu, školopenduz kaikiden lapsiden täht, eländpunktoiden uz' pertišt, elektrusen da sidon leviganduz.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.