Mamontov Arkadii

<table class="infobox infobox- " style="" data-name="Personalii" >

Arkadii Viktorovič Mamontov (ven.: Аркадий Викторович Мамонтов; om sündunu 26. semendkud vodel 1962, Novosibirsk-lidnas, Sovetskii Sojuz-valdkundas) om tetab venälaine lehtmez' da TV-vedäi. Äjiden dokumentaližiden fil'moiden tegii «teravile» temoile. "Arkadian Mamontovan avtoran programm"-studijan ohjandai «ROSSIA-1»-telekanalal (vodelpäi 2000). Om pauklahjoittud ordenoil, medalil ičeze rados.

Elokul vodel 2014 om pandud Ukrainan sankcijoiden lugetišehe. Uhokul vodel 2022 om pandud Jevrosojuzan sankcijoiden lugetišehe. Semendkun 9.päiväl vodel 2022 om pandud Velikobritanian sankcijoiden lugetišehe. Heinkun 7.päiväl vodel 2022 om pandud Kanadan sankcijoiden lugetišehe. Keväz'kun 4.päiväl vodel 2022 om pandud Šveicarian sankcijoiden lugetišehe. Keväz'kun 8.päiväl vodel 2022 om pandud Avstralian sankcijoiden lugetišehe. Semendkun 3.päiväl vodel 2022 om pandud Novaja Zelandian sankcijoiden lugetišehe.

Elostarin

Om videooperatoran Viktor Mamontovan (1937-2018) da ohjandajan Alevtina Ziminan poig. Jäl'ghe školad Arkadii tahtoi putta videoopratoran fakul'tetale Venäman valdkundaližehe kinematografian institutaha S.A. Gerasimovan nimel, no uhkui ekzamenoil. Vozil 1980-1982 oli službal raketoiden voiskiš Zabaikalan voinokrugas. Vodel 1988 lopi Moskvan valdkundaližen universitetan, lehtmehiden fakul'tetan. Zavodi rata toimitajan "Uzištod"- painusen agenstvas videotedoiden toimištos. Vozil 1992-1994 radoi «palabiš sijoiš» Moldavijas, Tadžikistanas, Pribaltikas. Radoi eriližen toimitajan «NTV»-telekanalal vozil 1994−2000. Hän voumiči "Segodn'a", "Itogi", "Geroi dn'a", "Professia report'or" - programmoid.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.