Maidanov Denis

<table class="infobox infobox- " style="" data-name="Personalii" >

Denis Vasil'jevič Maidanov (ven.: Денис Васильевич Майданов; om sündunu 17. uhokud vodel 1976, Balakovo, Saratovan agj, Sovetskii Sojuz) om venälaine pajanik da muzikan kirjutai, politikmez', runoilii, muzikaline prodüser. Om Venäman arvostadud artist (2017).

Om Vemänan Federaližen Nevondišton Valdkundaližen parlamentan VIII kucundan deputat, "Jedinaja Rossia"-partijan ühtnik, vodelpäi 2021 Venäman parlamentan kul'turkomitetan varapämez', Venäman rahvahaližen frontan ühtnik vodelpäi 2018.

Biografii

Denis om sündnu Balakovo-lidnas Saratovan agjas. Konz hänele täudui 8 vot, hänen vanhembad eriganziba. Denis aigoiš mäni radole. Kirjuti ezmäižen runon, konz hänele oli 8 vot. Nece ezmäine runo oli omištadud mamale Naižiden päiväks. 13-voččen prihaižen zavodi opetas vändmaha gitaril. Möhemba openzihe vändmaha pianinal da pajatamha. Vodel 1992 pajati konkursal da sai koumanden sijan. 9.klassan jäl'ges putui Himiko-tehnologižehe tehnikumaha. Sid' putui Moskvan valdkundaližehe kul'turan institutaha, lopi sen vodel 1999.

Vodel 1999 hän tegihe Muzikaližen teatran ohjandajan da Balakovo-lidnan Sädandradon pertin muzikaližen erišton pämehen. Vodel 2000 Denis pästi "Ona menja ne ljubit"-pajon. Vodel 2001 läksi elole Moskvaha, kirjuti runoid da muzikad venälaižile pajanikoile. Vodel 2008 Denis zavodi pajatada ičeze pajoid iče. I jo vodel 2009 hän sai «Zolotoi grammofon»-premijan «Вечная любовь»-pajos.

Vodel 2005 om nainu Nataljal. Vodel 2008 Nikolai tegihe tataks, om sündnu Vlada-tütär. Borislav-poig om sündnu vodel 2013.

Diskografii

1. 2009 — Я буду знать, что ты любишь меня… Вечная любовь (Ja budu znat', čto ti lübiš menja... Večnaja lübov')
2. 2011 — Арендованный мир (Arendovannii mir)
3. 2014 — Пролетая над нами… (Proletaja nad nami)
4. 2015 — Флаг моего государства (Flag mojego gosudarstva)
5. 2015 — Полжизни в пути… Неизданное (Polžizni v puti... Neizdannoe)
6. 2017 — Что оставит ветер (Čto ostavit veter)

Irdkosketused

• Denis Maidanovan oficialine sait (maydanov.ru). (ven.)
• Denis Maidanov — Instagram.

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.