Lugansk
<table class="infobox infobox-Skriptitõrge: Moodulit "Hash" pole. " style="" data-name="НП+Россия" >LidnLuganskSkriptitõrge: Moodulit "Wikidata" pole. Skriptitõrge: Moodulit "Wikidata" pole. Skriptitõrge: Moodulit "Infobox" pole.Skriptitõrge: Moodulit "Wikidata" pole.Skriptitõrge: Moodulit "Transclude" pole. Skriptitõrge: Moodulit "math/tonumber" pole.Skriptitõrge: Moodulit "Autosorting" pole.
Lugansk (ukr.: Луганськ, ven.: Луганск) om Venäman lidn Luganskan Rahvahaližes Valdkundas longibokas.
Istorii
Lidn om pandud vodel 1795 Jekaterina II-imperatornaižen käskön mödhe kuti Luganskan raudanvalamižtegim da žilo senno, ezmäine mugoine Venäman imperijan suves. Se sai lidnan oiktusid vodel 1882. Vozil 1935−1958 i 1970−1990 lidnan nimi oli Vorošilovgrad.
Lugansk om tetab mašinoiden tegimižel (kaivuzladimed, avtopalad), raudan metallurgijal (teraz, torved, torvarmatur), sauvondmaterialiden pästandal, akkumulätoroiden i zelliden tegimižel, maidtegimižel, kengiden i omblendan edheotandoil.
Geografii
Lidn sijadase Lugan'-jogen randoil (ukr. i ven.: Лугань, 198 km pitte, Donan oigedpol'ne bassein), om nimitadud sen mödhe. Lugansk seižub 78 m ü.m.t. keskmäižel korktusel. Matkad Moskvahasai om 650 km lodeheze-päivlaskmha orhal, 860 km avtol vai 900 km raudtedme.
Eläjad
Vodel 2014 augotišes Luganskan eläjiden lugu oli 424 113 ristitud (11. sija valdkundas), sen-žo voden tal'vkus 301 tuhad ristituid (äi pagenuzid sodategendoišpäi), pind — 269,61 km². Kaikiš suremb ristitišt oli 552 300 eläjad vl 1987.