Loviis

<table class="infobox infobox- " style="" data-name="El6ndtaho" >

Loviis (suom.: Loviisa [ˈloʋiːsɑ], roč.: Lovisa [luˈvǐːsɑ]) om Suomenman lidn da lidnankund valdkundan suvirandal. Mülüb Udenma-agjaha, sen kümnenz' lidnankund koumetoštkümnespäi eläjiden lugun mödhe.

Istorii

Eländpunktan aluz om pandud kuti Degerbü-lidnuz (roč.: Degerby) Venäman röunanno lidnan statusanke vl 1745, Rosen- i Ungern-čuhundused oma kaičenus. Ročinman Adol'f Frederik-kunigaz tuli lidnha i udesnimiti sidä nügüdläižikš vl 1752 ičeze Luiza Ul'rika Prussalaine-kunigaznaižen-akan ezmäižen nimen mödhe (roč.: Lovisa Ulrika av Preussen, valdoiči vll 1751−1771). Lidn sai torguindan laskendad verhidenke maidenke i šingotihe muga. Vl 1855 läz kaik vanh lidn paloi lophu. Vl 2010 mülütihe Pernai- (suom.: Pernaja), Lil'jendal- i Ruotsinpühtää-municipalitetoid lidnankundha.

Loviis šingotase Valko-torguindmeriportal (mec, pudotadud i pakuidud jügud) ani suvhe lidnaspäi, raudte ühtenzoitab Laht-lidnanke. Turizman kompanijad, pened torguindkeskused i mehanižed laukad oma olmas lidnas. Loviis-atomelektrostancii (Fortum-koncernan pala) radab 15 km suvipäivnouzmha lidnaspäi Hästholmen-sarel.

Geografijan andmused

Lidn sijadase agjan päivnouzmaižes čogas, Baltijan meren randpolel, Suomen lahten Loviisan lahten randal. Matkad agjan Hel'sinki-keskushesai om 77 km päivlaskmha-suvipäivlaskmha orhal vai 87 km avtotedme. Lähembaižed lidnad (avtotedme) oma Kotk (Kümenlakso) 40 km päivnouzmha i Porvoo 37 km päivlaskmha.

Lidnankundan ühthine pind om 1751,52 km², sidä kesken kuiv ma 819,74 km², vezi i sokaz tahond ottas 25,84 km², meri — 905,94 km².

Eläjad

Vl 1980 nügüdläižen lidnan territorijan eläjiden lugu oli 17 587 ristitud (se oli kaikiš suremb ristitišt), vl 2010 — 15 595 ristitud. Ristituiden pol' eläb lidnankundan keskuses.

Kodikelen mödhe (2016): suomen kel' — 54,9%, ročin kel' — 41,3%, toižed keled — 3,8%.

Olavi Kaleva radoi edeližen lidnan pämehen (2001−2017).

Galerei

• 
  Lidnan tobmuden pert'
• 
  Loviisan jumalanpert'
  (vn 2007 nägu,
  om saudud vl 1865)
• 
  Loviis-atomelektrostancii
• 
  Loviisan avtostancii
  vl 2018

Irdkosketused

• Lidnan ohjastusen sait (loviisa.fi). (suom.) (roč.)