Linc

<table class="infobox infobox- " style="" data-name="El6ndtaho" >

Linc (saks.: Linz [ˈlɪnts]) om lidn Avstrijan pohjoižes. Se om Üläavstrii-federacijanman administrativine keskuz da kaikiš suremb lidn, valdkundan koumanz' lidn eläjiden lugun mödhe.

Istorii

Eländpunktan aluz om pandud rimalaižil kut Lencia-varmitez imperijan pohjoižröunal vl 15 EME. Mainitihe nügüdläiženke nimenke vl 799.

Linc šingotase raudan metallurgijal (VoestAlpine-koncern), kivivoinhimižel (Chemie Linz AG-koncern), tekstiližel i elektrotehnižel tegimištol, sömtegimištol.

Geografijan andmused

Lidn sijadase federacijanman päivnouzmas, Dunain molembil randoil, 266 m ü.m.t. keskmäižel korktusel. Matkad Ven-pälidnhasai om 155 km päivnouzmha orhal, 185 km avtotedme vai 181 km raudtedme. Čehanman röun om 30 km pohjoižhe lidnaspäi.

Klimat om ven valdmeren i kontinentaližen röunal. Voden keskmäine lämuz om +9,9 C°, kezakun-elokun +18..+20 C°, tal'vkun-uhokun −1..+1 C°. Paneb sadegid 872 mm vodes, enamba kezakus-elokus (90..104 mm kus), toižil kuil 55..77 mm.

Eläjad

Vl 2011 lidnan eläjiden lugu oli 189 889 ristitud, vl 2021 — 206 537 ristitud. Kaikiš suremb ristitišt om nügüd', mugažo oli vl 1971 (204 889 eläjad) i vl 1991 (203 044 eläjad). Kahtenden surtte lidnaglomeracijan keskuz 805 tuhanke eläjid vl 2020.

Kaik nell' universitetad ratas lidnas.

Irdkosketused

• Lidnan oficialine sait (linz.at). (saks.)  (angl.)