Kudimkar

<table class="infobox infobox-Skriptitõrge: Moodulit "Hash" pole. " style="" data-name="El6ndtaho" >Skriptitõrge: Moodulit "String" pole.Skriptitõrge: Moodulit "Wikidata" pole. Skriptitõrge: Moodulit "Wikidata" pole. Skriptitõrge: Moodulit "Infobox" pole.Skriptitõrge: Moodulit "Wikidata" pole.Skriptitõrge: Moodulit "Transclude" pole.

Kudimkar (ven. i perm. komi: Кудымкар) om Venäman lidn da lidnümbrik Permin randan päivlaskmas. Se om Permin Komin ümbrikon i Kudimkaran rajonan keskuz, ei mülü rajonha.

Istorii

Kudimkaran lidnuz oli olmas 7. voz'sadaspäi (nüg. lidnan keskuz). Eländpunkt mainitase kirjutadud purtkiš ezmäižen kerdan kuti Kudimkar vl 1579.

Vozil 1931 Kudimkar-külä kändihe lidnanvuiččeks žiloks. Žilo sai lidnan statusad vl 1938. Kudimkar oli Permin Komin avtonomižen ümbrikon (Federacijan subjektan) administrativižeks keskuseks vn 2005 tal'vkun 1. päivhäsai.

Kudimkar šingotase sömtegimištol: maidon edheotand, lihakombinat, leibän, sömän i ploduiden kombinatad.

Geografijan andmused

Lidn sijadase In'v-jogen randoil (Kaman oiged ližajogi), 180 m ü.m.t. keskmäižel korktusel. Matkad Permihesai om 201 km suvipäivnouzmha avtotedme. Lähembaine lidn om Čormoz 89 km suvipäivnouzmha orhal vai 200 km avtotedme.

Klimat om ven. Voden keskmäine lämuz +1,7 C°, vilukun lämuz — −14,5 C°, heinkun +18,0 C°. Paneb sadegid 517 mm vodes.

Eläjad

Vl 2010 eläjiden lugu oli 28 967 ristitud. Lidnan kaikiš suremb ristitišt oli 33..34 tuh. eläjid vozil 1989−2001.

Vn 2010 kaiken Venäman rahvahanlugemižen mödhe, 53% eläjid oma permin komilaižed, 45% — venälaižed, 2% — toiženke rahvahudenke.

Ortodoksižen hristanuskondan ph. Mikulai-čudonsädajan päjumalanpert'^[1] om avaitud lidnas vl 1796.

Medicinine škol, Permin Komin professionaliž-pedagogine kolledž^[2], Permin Komin agrotehnine tehnikum^[3] i Permin Komin opendajiden radmahtoiden paremboičendan institut ratas lidnas.

Edeline lidnan pämez' om Ivan Mehonošin (sügüz'ku 2014 — keväz'ku 2020).

Galerei

Lidnan administracijan sauvuz (2010)
Permin randan ministruz Perin Komin ümbrikon azjoiš (2015)
Ph. Mikulai-čudonsädajan päjumalanpert', vn 2015 nägu
Permin Komin ümbrikon dramteatr Gor'kijan nimed (2015)
Erazvuiččiden organizacijoiden ofispert' (2021, ende okrispolkom:an sauvuz)

Homaičendad

Irdkosketused

Kudimkar-lidnümbrikon tobmuden oficialine sait (admkud.ru). (ven.)

	Permin randan lidnad
	Aleksandrovsk \| Berezniki \| Čaikovskii \| Čerdin' \| Černušk \| Čormoz \| Čusovoi \| Dobränk \| Gornozavodsk \| Gremäčinsk \| Gubah \| Kizel \| Krasnokamsk \| Krasnovišersk \| Kudimkar \| Kungur \| Lis'v \| Nitv \| Očor \| Ohansk \| Os \| Perm' \| Solikamsk \| Usol'je \| Vereščagino

[1] Kudimkaran pühäpertid sobory.ru-saital. (ven.)

[2] Permin Komin professionaliž-pedagogižen kolledžan sait (kppt.ru). (ven.)

[3] Permin Komin agrotehnižen tehnikuman sait (kpselhos.ru). (ven.)

[1]

[2]

[3]