Kristiinankaupunki

<table class="infobox infobox- " style="" data-name="El6ndtaho" >

Kristiinankaupunki (mugažo suomen kelel, suomen virkand: [ˈkristiːnɑŋˌkɑu̯puŋki], roč.: Kristinestad [krɪsˈtîːnɛˌstɑːd], sijaline ročin virkand: [krisˈtiːneˌstɑːd]) om Suomenman lidn da lidnankund valdkundan suvipäivlaskmas. Se om Pohjanma-agjan videnz' lidnankund kudespäi eläjiden lugun mödhe.

Istorii

Külä sai lidnan oiktusid vl 1649, nimitihe Ročinman Kristina-kunigaznaižen (eli vll 1626–1689) mödhe. Mülütihe koumed küläkundad Kristiinankaupunkihe vl 1973: Lapväärtti, Siipüü (suom.: Siipyy) i Tiukk (Tiukka).

Kristiinankaupunki šingotase tegimištoližen mašiništon pästandal, kartohkan kazvatandal (27 km² vl 2009) i čipsoiden tehmižel sišpäi, mugažo turizmal.

Geografijan andmused

Lidn sijadase agjan suves, Botnižen lahten merikaran randoil. Matkad agjan Vas-keskushesai om 92 km pohjoižhe orhal vai 101 km avtol, Hel'sinki-pälidnhasai om 302 km suvipäivnouzmha orhal vai 344 km avtotedme. Lähembaižed lidnad oma Kaskinen 15 km lodeheze orhal vai 30 km avtotedme, i Närpes 22 km pohjoižhe orhal vai 31 km avtol.

Vl 2020 lidnankundan pind — 1678,98 km², sidä kesken kuivma 683,04 km², vezi i sokaz tahond ottas 14,50 km², meri om 981,44 km².

Eläjad

Vl 1980 lidnan eläjiden lugu oli 9 043 ristitud, vl 2010 — 7 157 ristitud. Municipalitetan kaikiš suremb ristitišt oli 9 081 eläjad vl 1985. Kaks' ristitud koumespäi elädas lidnankundan keskuses.

Kodikel' (2016): suomen kel' — 40,9%, ročin kel' — 55,1%, toižed keled — 4,0%.

Riitta El-Nemr radoi edeližen lidnanpämehen (2005−2018).

Galerei

• 
  Lidnan ohjastusen pert'
• 
  Kristiinankaupunkin jumalanpert'
  (vn 2019 nägu)
• 
  Tulleimellic (2008)
• 
  Kristiinankaupunkin enččen päraudtestancijan pert' vl 2005

Irdkosketused

• Lidnan oficialine sait (kristinestad.fi). (roč.) (suom.) (+ ühthižed andmused lidnas anglijan i saksan kelil)