Kremenčuk

<table class="infobox infobox- " style="" data-name="El6ndtaho" >

Kremenčuk (ukr.: Кременчук, röunantagaižiš kanzoiš mugažo Кремінчук) om Ukrainan lidn Poltavan agjas. Se om agjan kahtenz' lidn eläjiden lugun mödhe i kaikiš suremb tegimištoline keskuz (agjan tehmižprodukcijan pol').

Geografijan andmused

Lidn sijadase Dnepran muugotil randoil, 40..190 m korktusil, 90 m ü.m.t. keskmäižel korktusel. Kremenčukan GES i vezivaradim sijadasoiš ülezjogen.

Kremenčuk jagase kahteks administrativižeks rajonaks: Avtotegimen (ukr. Автозаводський район) i Krukovan (ukr. Крюківський район).

Kaikiš suremb eläjiden lugu oli 248 tuh. ristituid vl 1995. Läz 450 tuhad eläjid om ezilidnoidenke.

Ižanduz

Kremenčukan ižandusen päsarakod oma avtosauvomine (jüguavtoiden AvtoKrAZ-kompanii, avtoühthekeradai tegim, tesauvondan mašinoiden tegim, «Kremen'»-avtoližavedamoiden edheotand, kezroiden tegim), raudtekaluišton pästand (vagontegim i raudbetonšpaloiden tegim), kivivoinümbriradmine, metallurgii (terasen valamižtegim), sömtegimišt (koume leibäntegint, lihakombinat, maidtegim, nell' konditerišt fabrikad, likörvintegim i tabakfabrik), kebn tegimišt (nahkankombinat i kaks' omblendfabrikad).

Galerei

• 
  Kremenčukan röun da ezilidnad
• 
  Lidnan parlament (2012)
• 
  Ph. Mikulai-čudonsädajan päjumalanpert', vn 2020 nägu (ortodoksine hristanuskond, edel 1919. vot katoline bazilikpäjumalanpert')
• 
  Kremenčuk-päraudtestancijan nägu vl 2011

Irdkosketused

• Kremenčuk-lidnan oficialine internet-portal (kremen.gov.ua). (ukr.)

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.