Kopenhagen

<table class="infobox infobox- " style="" data-name="El6ndtaho" >

Kopenhagen (dan.: København [kʰøb̥ənˈhaʊ̯ˀn], vanhan danijan Køpmannæhafn-nimitusespäi «torgovanoiden merivaldmad») om Danijan pälidn da kaikiš suremb kommun. Mülüb Danijan pälidnan agjaha (dan.: Region Hovedstaden), no ei ole sen keskuseks.

Kaik 13 municipalitetad mülüdas lidnha täuzin i völ 3 paloin, kaks' lidnad oma Pälidnan regionan paloikš mugažo. Läz 2 mln ristituid elädas lidnas ezilidnoidenke (2015), nece om valdkundan ristitišton enamba koumandest.

Istorii

Eländpunktan aluz om pandud vl 1167 lidnuseks kalanpüdajiden külän sijas.

Geografijan andmused

Kopenhagen sijadase valdkundan päivnouzmas, Baltijan meren Eresunn (Zund)-sal'men randal. Lidn otab kahtiden sariden palad: Zelandii da Amager. Pen' Slotshol'men-sar' om Kopenhagenan istorine keskuz.

Klimat om ven meren. Keza om viluhk, tal'v om pehmed.

Kopenhagen-kommun jagase 10 rajonha (dan.: bydele).

Transport

Avtobusad, ezilidnelektrojonused da velosipedad oma kundaližeks transportaks lidnas da sen ümbrištos. Metro radab lidnas vspäi 2002 (23 km pitte, 2 jonod, 22 stancijad vspäi 2007).

Eresunnan sild-tonnel' 16 km pitte ühtenzoitab lidnad ročin Mal'mö-lidnanke. Jogapäiväline ehtatim ühtenzoitab Oslonke (Norvegii). Kaks' rahvahidenkeskešt lendimportad sijadasoiš lidnan ümbrištos: kaikiš suremb Skandinavijan maiš Kastrup (CPH) om 8 km suvhe lidnan keskusespäi; pen' Roskil'de (RKE) om 15 km päivlaskmha.

Tetabad sündnuded da eläjad

• Hans Kristian Andersen (1805−1875) — danijalaine kirjutai, mail'man tetabiden sarnoiden sädai.
• Sören K'jerkegor (1813−1855) — danijalaine filosof, protestantine teolog da kirjutai
• Dipika Padukone (sünd. 1986) — indijalaine aktris da fotomodel.

Irdkosketused

• Kopenhagen-lidnan tobmuden oficialine sait (kk.dk). (dan.)  (angl.)