Keuruu

<table class="infobox infobox- " style="" data-name="El6ndtaho" >

Keuruu (mugazo suomen kelel; roč.: Keuru) om lidn da lidnankund Suomenman suven keskuzpalan päivlaskmas. Mülüb Kesksuomenma-agjaha.

Istorii

Eländpunktan aluz om pandud vl 1652. Pihlajavesi:n kund kändihe Keuruun palaks vl 1969. Keuruu sai lidnan statusad vl 1986.

Vll 1967−2014 alištunu kaičendministrusele sijaline pionerpolk (250 mest) openzi läz tuhad ristituid joga voden pionerikš i londusen kaičijoikš.

Geografijan andmused

Kaik 316 järved om olmas Keuruun municipalitetan territorijal. Keuruun keskuz sijadase Keurussel'känjärven (suom.: Keurusselkä) pohjoižrandoil da saril, sen Koninsel'k-, Lapinsalmi-, Juurikkasalmi- i Tarhia-vezištoidenno. Raudtesol'm om saudud Haapamäki-žilos, se ühtenzoitab raudted Tamperehesai, Vashasai i Jüväskülähäsai. «Haapamäki — Jüväskülä»-keskust läbitab Keuruun lidnfartaloid. Matkad agjan Jüväskülä-keskushesai om 55 km päivnouzmha orhal, avtol vai raudtedme, Hel'sinkihesai om 290 km suvhe avtotedme vai raudtel.

Vl 2018 lidnankundan pind oli 1 430,57 km², sidä kesken kuiv ma — 1257,98 km², saum vet i sokast tahondad oli kahesandez (172,59 km²).

Keuruun municipalitetan territorii jagase 12 palaks, 13 küläd alištudas sen tobmudele.

Eläjad

Vl 1985 eläjiden lugu oli 13 010 ristitud, sil aigalpäi ristitišt poleneb.

Mamankelen mödhe (2016): suomen kel' — 99%, ročin kel' — 0,1%, toižed keled — 0,9%.

Timo Louna radoi lidnan edeližen pämehen vhesai 2015.

Galerei

• 
  Lidnan ohjastusen pert' vl 2006
• 
  Keuruun uz' lüteranine jumalanpert'
• 
  Keuruuntie-irdan nägu, 2013
• 
  Keuruu-raudtestancii
• 
  Veteranoiden puišt,
  Keuruu, 2018

Irdkosketused

• Lidnan ohjastusen sait (keuruu.fi). (suom.)