Karku (kaivatuztaho)

Karku

Karku-kaivatuztaho (ven.: Месторождение Карку) om urankiven kaivatuztaho Karjalas, mitte sijadase Pitkärantan rajonan Salmin küläkundan Karku-külän ümbrištos, läz Karkulampi-järved. Om avaitud vodel 1989 homendezbokpoles Pašsko-Ladogan koverudes, rifeiskan letetahoiden bazal'nijas šoidus. Mülüb poligenižehe da polihronižehe stratiforman tipaha, Rahvahidenkeskeižen atomenergijan agenstvan geologtegeližen klassifikacijan mödhe — proterozoiskan "kožumatoi"-tipha.

Kaivatuztahon erigoičused

Kaivatuztahol om uranspecializacii ühtes svincovo-cinkine da molibdenovii mineraaližacijanke. Uranrudan šoid mülüb "soged"-tipha (ei lähte man pindale). Om nasturanan da koeffinitan mineralizacii ühtenzoituses sul'fidoidenke; erasiš ristikoičendoiš uranan mär om lujas sur'. Arvsanoiden mödhe, uranan varad voidas olda enamba 400 tonn. Kaivatuztaho lugese kut perspektivine objekt Fennoskandinavižen makovandusen longibokan pautken da plitkogomusiden ühtenzoituzsijal; vedäse geologine tarkoppind.

Karku-külä kaivatuztahanno

Kaivatuztahol om löutud koume rudtahod, miččihe mülüb viž rudvarad värplast-vuittušt formad. Varoiden suruz' om 400Х100 metraspä 1600Х500 metrahasai, vahvuz' 0,2—20,5 metrad. Ezmäižen tahon jähtundamižen mülütadas rifeiskan aigkeskustan lete- da gravelitletetahoihe. Kaivatuztaho sijadase alembaižen biotitan gnesoiden da slancoiden päl.

Uranan pävaroikš ottas urankiven kogodused alandusen tektoniziruidud tahoiš. Rifeiskan aktivizacijan lämbitadud fl'uidoiden ližacirkul'acii alandusen väletud tahoidme sel’genzoitab uranvaroiden udištamišt. Karku-kaivuztahon bohatad urankived da golliden urankividen päpala sijadasoiš lete-gravelitovijan šoidun alahaižes poles, tahol, miččen vahvuz' om 10-15 metrad. Ned sijadasoiš kuverdan-se man šoiduiden al, da nimitase, kut ven.: «тип несогласия». Karku-kaivuz'taho om üks’jaine "kožumatoi"-tipan kaivatuztaho Venämal. Nece kaivatuztaho om üks'jäine, mitte ezitab "kožumatoi"-tipan uranobjektoiden "kanadan"-alatipan "karjalan"-rodud. Neciš kaivatuztahos sadas i erazvuiččid sul'fidoid (pirrotin, galenit, arsenidad).

Nügüd'aigal kaivatuztahon oppidas, no oppind vedäse hilläs, sikš ku uranankaivandon röunad neciš tahos om sel'ktatomad.

Kaivatuztahon znamoičend

Vodel 2018 Venäman tedoakademijan Karjalan tedokeskusen pätedoradnik Vasilii Ivaščenko ven.: "МК в Карелии"-painusen pagištoituses sel'genzoiti, miše Karjalan valdkundaližel balansal om vaiše üks' uranan Karhu-kaivatuztaho, no ku rindatada sen varoid valdkundan atontegeližuden kävutandan täht, se om lujas pen' i ei voi toda rahaližad. Völ pidab otta homaičushe, miše Ladogan randištol sijadase "Ladogan šherad" rahvahaline puišt, sikš kaivatuztahon kävutamižes voib unohtada.

Voden 2020 tedoiden mödhe Karhu-kaivatuztahon tegelišt kävutandad nikonz ei olend.

Literatur

• О новом для России типе урановых месторождений в северо-западном Приладожьи // Крупные и суперкрупные месторождения: закономерности размещения и условия образования / Под ред. Д. В. Рундквиста.. — М.: ИГЕМ РАН, 2004. — С. 110—134. — 430 с.
• Геология и условия формирования месторождения типа «несогласия» Карку в Северном Приладожье (Россия) // Геология рудных месторождений № 2. — 2005. — С. 99—126.

Lähtked

• Шурилов Александр Владимирович, Геолого-структурная позиция уранового месторождения Карку: Северо-Восточное Приладожье
• Машковцев Г. А. и др. Уран российских недр. — 2010 Просмотр издания Электронная библиотека История Росатома
• Тарханов А. В., Бугриева Е. П. Крупнейшие урановые месторождения мира. — 2012 Просмотр издания Электронная библиотека История Росатома