Karjalan socialistižen radon Gerojad

Kuldaine "Sirp i pal'l'"-medal'

Neche lugetišehe om pandud:

• Socialistižen radon Gerojad (ven.: Герои Социалистического Труда), konz heile anttihe arvnimi, hö eliba SSRan Karjalaiž-Suomalaižel mal, vodelpäi 1956 — ASSRan Karjalan mal, — 39 mest;
• Karjalan sündujad, kudambad saiba Socialistižen radon Gerojan arvnimen toižiš SSSRan agjoiš, — 4 mest;
• Socialistižen radon Gerojad, kudambad tuliba elämaha Karjalaha, — 1 mez'.

Toine i koumanz' lugetišen palad ei olend täuttud kogonaz, sikš ku ei olend erasiden Gerojiden tedoid sündund- da elontahos.

Tablicoiš oma Gerojiden familii, nimi, tatannimi, radsija sil aigal, konz heile anttihe arvnimi, SSSRan Ülembaižen nevondišton prezidiuman käskön päivmär, elomišton raderištuz, sündund- da elontaho, a mugažo lähte elostarinan kirjutesehe "Man Gerojad"-saital. Tablicoiden format andab voimusen sortiruida kirjutadud andmusid noluden abul tarbhaižes sargas.

Istorii

Ezmäine Socialistižen radon Gerojan arvnimi Karjalaiž-Suomalaižes SSRas anttihe SSSRan Ülembaižen nevondišton prezidiuman käskön mödhe 5. kül'mkud vodel 1943 nelläle rauteradnikale: Grigorii Avramenkole, Pavel Garcujevale, Jevgenii Makkelevale i Ivan Peršukevičale arvtegoiš ehtatusen aigan frontan da elomišton täht i suriš satusiš raudten kohendusen aigan jügedal voinaigal.

Socialistižen radon Gerojiden keskes enamba radnikoid om mectegeližudes — 16 mest, man elomištos — 8 mest; ajamiden oblastiš — 7; sauvndas — 3; kalan salištandas — 2; mašinindustrijas, sauvondtarbhuziden tegeližudes, openduses — 1 mehedme.

Homaičendad

Lehtpol' "Man Gerojad"-saital

Lähtked

• Большая советская энциклопедия в 30 томах, 3-е издание / Гл. ред. А. М. Прохоров. — Москва: Советская Энциклопедия, 1969-1978.