Kannad
<table class="infobox infobox-Skriptitõrge: Moodulit "Hash" pole. " style="" data-name="El6ndtaho" >Skriptitõrge: Moodulit "String" pole.Skriptitõrge: Moodulit "Wikidata" pole. Skriptitõrge: Moodulit "Wikidata" pole. Skriptitõrge: Moodulit "Infobox" pole.Skriptitõrge: Moodulit "Wikidata" pole.Skriptitõrge: Moodulit "Transclude" pole.
Kannad, Kann[1] (franc.: Cannes [kan], sijaline virkand [ˈkanə], oksit.: Canas) om lidn Francijan suvipäivnouzmas, Provans — Al'pad — Azur'ne rand-regionas.
Lidn om kaikiš populärižemb da tetabamb Azur'žen randan lebutahoišpäi. Se om tetab mugažo ičeze ezirivižil laukoil, restoranoil da adivpertil.
Istorii
Eländpunktan aluz om pandud ligurialaižil.
Vn 2011 3. päiväl kül'mkud Kannad oliba rahvahidenkeskeižen G20-tegimištorganizacijan keskuseks.
Kannad šingotasoiš turizmal, sidä kesken azjaližel, torguindal i aerokosmižel sarakol.
Geografijan andmused
Lidn sijadase Keskmeren Napul'-lahten randištol, 0..260 m ü.m.t. korktusil. Täs Esterel'-mägisel'g vasttase mererandanke.
Klimat om Keskmeren.
Eläjad
Vl 2011 lidnan eläjiden lugu oli 72 607 ristitud. Kaikiš suremb ristitišt om nügüd'. Se oli 72 259 eläjad vl 1982.
Lidnan edeline pämez' oli Bernar Brošan vll 2008−2014 (Bernard Brochan).
Kannoiden kinofestival'
Rahvahidenkeskeine Kannoiden kinofestival' (franc.: Festival international du film de Cannes) om jogavozne kinematografine festival'. Se vedase semendkun lopul Kannad-lebutahos ottes Festivališt pert'kulud keskuseks. Kinoprodüseroiden rahvahidenkeskeine federacii (angl.: FIAPF) akkreditui nece kinofestival' ühtentoštkümnen mugoižen fil'mfestivalinke ühtes (muga nimitadud «A-kategorijan festivalid»)[2].
Sebruzlidnad
Madrid[3], Ispanii (16. uhoku 1957)
Kensington da Čelsi, London-lidnan ümbrik, Anglii, Sur' Britanii (21. keväz'ku 1970)
Beverli Hills, Kalifornii, AÜV (15. semendku 1986)
Sidzuok, Sidzuok-prefektur, Japonii (5. kül'mku 1991)
Akapul'ko, Meksik (30. heinku 1994)
Sanj, Kitai (25. sulaku 1997)
L'viv, Ukrain (4. sulaku 2022)
Sebruzaktad oma tehtud nenidenke lidnoidenke:
Papeete, Taiti, Francii (31. tal'vku 1960)
Florencii, Italii (16. semendku 1991)
Budapešt, Mad'jaranma (8. reduku 1993)
Tel' Aviv, Izrail' (15. reduku 1993)
Gštad, Zanen-kund, Bern-kanton, Šveicarii (14. reduku 1995)
Kvebek-lidn, Kvebek, Kanad (3. kezaku 1998)
Moskv, Venäma (12. kül'mku 1998)- Turin, Italii (26. keväz'ku 1999)
Homaičendad
- ↑ Канн-kirjutuz // Sur' Nevondkundaline Enciklopedii. — Slovari.yandex.ru. (ven.)
- ↑ Kannad oma Evropan kinematografižeks pälidnaks. — Geosfera.info. (ven.)
- ↑ Les jumelages — Les pactes d'amitié (Sebruzlidnad — Sebruzaktad) lidnan cannes.com-saital. (fr.)