Kafka Franc

<table class="infobox infobox- " style="" data-name="Personalii" >

Franc Kafka (saks.: Franz Kafka; sünd. 3. heinku 1883, Prag, Avstrii da Mad'jaranma — kol. 3. kezaku 1924, Klosternoiburg, Ezmäine Avstrijan Tazovaldkund) oli tetab avstriž-mad'jaralaine (čehalaine) kirjutai-absurdist.

Biografii

Franc oli sündnu evrejan kanzha, oli vanhemban lapsen. Tat möi galanterejan tavaroid tukuil, mam libui elokahan oludenkeitajan perehespäi. Kanzannimi om čehan augotižlibundan, kavka znamoičeb «näk». Franc mahtoi besedoita čehaks, no kirjuti kaiken elon saksan kelel (hänen maman kel'). Vll 1889−1893 prihaižen openui lidnan alaškolas (Deutsche Knabenschule), sid' gimnazijas vhesai 1901. Lopi Pragan Karlan universitetad oiktusen doktoran specializacijanke vl 1906. Radoi juristaks varmitusidenke tehmižtravmatizman sarakos. Läksi penzijha edel aigad vl 1922 läžundan tagut.

Kirjuti sanutesid da tošt prozad joudjal. Koli edel aigad tuberkulözan tagut, hänen tat i mam koliba möhemb, mi heiden poig. Severz'-se sanutesiden kogodusid om publikoitud kirjutajan elon aigan.

Valitud sädused

Romanad

• 1911−1916 — Amerik / Kadonu tedmata (Amerika / Der Verschollene)
• 1914−1915 — Process (Der Prozeß)
• 1922 — Zamk (Das Schloß)

Sanutesiden i penen prozan kogodused

• 1913 — Tün'kaclend (Betrachtung)
• 1915 — Aznoičendad (Strafen)
• 1919 — Külähine lekar' (Ein Landarzt)
• 1924 — Näl'gen himoičii (Ein Hungerkünstler)

Lehtikod in-oktavo

Kaik om kahesa radlehtikod (voziden 1917−1919), mülütadas ezikirjutesid, sanutesid i niiden variantoid, sekoimižid da kaclendoid.

Aforizmad

• Sekoimižed grähkas, mokičendas, toivos i todesižes tes (Betrachtungen über Sünde, Leid, Hoffnung und den wahren Weg, 1931).

Nimikirjuteses om Kafkan enamba mi sada virkehid, oma valitud hänel koumandes i nelländes lehtikospäi in-oktavo