Jassi
<table class="infobox infobox-Skriptitõrge: Moodulit "Hash" pole. " style="" data-name="El6ndtaho" >Skriptitõrge: Moodulit "String" pole.Skriptitõrge: Moodulit "Wikidata" pole. Skriptitõrge: Moodulit "Wikidata" pole. Skriptitõrge: Moodulit "Infobox" pole.Skriptitõrge: Moodulit "Wikidata" pole.Skriptitõrge: Moodulit "Transclude" pole.
Jassi (rom.: Iași [ˈjaʃʲ]) om lidn Romanijan pohjoižpäivnouzmas. Se om valdkundan kahtenz' lidn eläjiden lugun mödhe, Jassin ümbrikon administrativine keskuz.
Istorii
Eländpunkt mainitase ezmäižen kerdan privilegijan kirjeižes vn 1408 6. päiväl redukud. Vll 1565−1862 Jassi oli Moldovan ruhtinazkundan pälidn, vll 1916−1918 — Romanijan pälidnaks.
Jassi šingotase nenil sarakol: raudan metallurgii, farmaceftine, tekstilin i soban pästand, sömtegimišt, IT-kompanijad, energetine, mašiništ tegimišton täht, avtopaloiden tehmine.
Geografijan andmused
Lidn sijadase kukhikahas tahondas, 35..354 m korktusil, 75 m ü.m.t. keskmäižel korktusel, Moldovan röunanno. Bahlui-jogi (119 km pitte, Prutan bassein) jagab lidnad kahteks palaks.
Klimat om ven kontinentaline. Voden keskmäine lämuz om +10 C°, kezakun-elokun +20..+22 C°, tal'vkun-uhokun −1..−3 C°. Ekstremumad oma −36 C° i +40 C°. Paneb sadegid 562 mm vodes, enamba kezaaigan.
Eläjad
Vn 2011 Romanijan rahvahanlugemižen mödhe lidnan eläjiden lugu oli 290 422 ristitud. Kaikiš suremb ristitišt oli 344 425 eläjad vl 1992 i om nügüd'. Kaik 474 tuh. ristituid om ezilidnoidenke 808 km² pindal.
Lidnalaižiden 98,5% oma romanijalaižed, 92,5% — ortodoksižed hristanuskojad (2002). Koume naižjumalankodid i nell' mez'jumalankodid oma kaičenus i avaitud lidnas, niišpäi kuz' oma saudud 16.-17. voz'sadal.