Hošimin

<table class="infobox infobox- " style="" data-name="El6ndtaho" >

Lidnan rajonad (2013)

Hošimin (vjetn.: Thành phố Hồ Chí Minh [tʰàjŋ̟ fǒ hò cǐ mīŋ̟] vai [tʰàn fǒ hò cǐ mɨ̄n]) om lidn Vjetnaman suves, sur' megapolis. Se om valdkundan kaikiš suremb eläjiden lugun mödhe, lidn keskuzalištusenke.

Istorii

Eländpunktan aluz om pandud kambodžan heimoil kuti Prei-Nokor-port. Vjetnaman heimod anastiba nenid tahoid vl 1698 i nimitihe Zädin' , vspäi 1862 Saigon (vjetn.: Sài Gòn [sàj ɣɔ̀n] vai [ʂàj ɣɔ̀ŋ]) jogen mödhe. Vll 1887−1901 se oli Francižen Indokitain pälidnaks, vll 1955−1975 — Suvivjetnaman pälidnaks. Vl 1975 udesnimitihe lidnad Vjetnaman ezmäižen Ho Ši Min-prezidentan oiktastuseks valdkundan ühtištusen jäl'ghe.

Geografijan andmused

Lidn sijadase Saigon- i Näbe-jogiden randoil, 19 m ü.m.t. keskmäižel korktusel. Om 15 km Kitain Suvimeren randad municipalitetan suvipäivnouzmas. Matkad Hanoi-pälidnhasai om 1720 km pohjoižhe.

Hošimin jagase 19 lidnrajonha (vjetn.: quận), ned alajagasoiš 259 lidnfartalha. Viž makundad (huyện) alištudas lidnale mugažo, ned kogotas 63 küläkundaspäi.

Eläjad

Vl 2009 lidnan eläjiden lugu oli 7 423 244 ristitud. Kaikes Hošiminan aglomeracijas eläb jo enamb 13 millionad ristituid (2017).

Irdkosketused

• Lidnan oficialine sait (hochiminhcity.gov.vn). (vjetn.)  (angl.)