Hičkok Al'fred

<table class="infobox infobox- " style="" data-name="Personalii" >

Al'fred Džozef Hičkok-ižand (angl.: Sir Alfred Joseph Hitchcock; sünd. 13. eloku 1899, Leitonstoun, Sur' London, Anglii, Sur' Britanii — kol. 29. sulaku 1980, Bel' Eir, Los Andželes, Kalifornii, AÜV) oli britanine da amerikaine fil'miden režissör, prodüser, scenarist.

Kinon režissöran sädamine om sidotud «triller»-žanrha (angl. thrill-sanaspäi — «säru») da «saspens»-tärtushe (angl. suspense — «kingitez»). Mahtoi säta holdujan märhapanmatomuden da kingitadud varastusen atmosferad ičeze fil'miš. Sädandan aigas fil'mzi 55 kinofil'mad da 17 fil'mad «Al'fred Hičkok ezitab»-TV-serijha. Erašti ozutihe fil'miš kameo-roliš.

Biografii

Laps'aigas kazvoi burkol. Openui Londonan kahtes kolledžas, sid' Inženerijan da navigacijan školas i ühtes kävui kundelta lekcijoid čomamahtontedos Londonan universitetas. Sädi kar'jerad vozil 1921−1976. Täuz'igäižel harjeni ozutada «must jumor» ümbärdajile.

Edel 1939 vot Al'fred radoi Sures Britanijas, sai kahtent (AÜV:oiden) rahvahanikust vl 1955. Sai «Oskar»-premijad «Rebekka»-fil'mas 1940 vodes (voden parahim fil'm). Ei voind kacta ičeze fil'mid, opak oli.

Kanz

Vspäi 1926 oli nainu, eli Al'ma Revil'-akanke surmhasai. Üks'jäine laps' Patricija-tütär om sündnu vl 1928, vll 1950−1978 om ranu aktrisaks, koume tütrentütärt om hänespäi.

Valitud fil'mografii

• «Magitusiden sad» (1925, laman fil'm)
• «Šantaž» (1929)
• «Rebekka» (1940)
• «Heilün pil'vez» (1943)
• «Nor» (1948)
• «Ikun tanhaspäi» (1954)
• «Pänpunotand» (1958)
• «Psiho» (1960)
• «Lindud» (1963)
• «Komplot kanzas» (1976)

Irdkosketused

• Hičkok Al'fred „Internet Movie Database“-saital  (angl.)