Hegel' Georg Vil'hel'm Fridrih

<table class="infobox infobox- " style="" data-name="Personalii" >

Georg Vil'hel'm Fridrih Hegel' (saks.: Georg Wilhelm Friedrich Hegel; sünd. 27. eloku 1770, Štuttgart, Vürtembergan gercogkund, Pühä Rimalaine imperii — kol. 14. kül'mku 1831, Berlin, Germanijan ühtištuz) oli saksalaine filosof, saksižen klassižen filosofijan üks' sädajišpäi. Kirjuti saksan i latinan kelil.

Tedoradon znamoičend

Hegel' zavodi tedoita personan sociališt šingotest i avaiži liberalizman torgusen abstraguruindad personan individualižusespäi. Tedomehen istorijan filosofii valatoiti znamasižikš Karl Marksan sociologijad. Georg Hegel' om rahvahanikkundan koncepcijan tegijoiden keskes.

Nimitadas hegelläižeks filosofan kacegiden sistemad.

Biografii

Georg Vil'hel'm Fridrih oli sündnu gercogkundan rahatanhan Georg Lüdvig Hegel'-sekretarin (1733−1799) kanzha i sai hüväd opendust. Vll 1788−1793 openui Tübingenan jumalantedon seminarijas universitetanno, vl 1790 sai filosofijan magistran arvod, no ei tahtoind kätas papikš. Vspäi 1801 radoi opendajan Jenan, Geidel'bergan i Berlinan universitetoiš.

Hegel' nai vl 1811, Marija Elena Suzanna fon Tuher (1791−1855) oli hänen ak. Kaik oli koume poigad filosofal: ezmäine illegitimine Lüdvig (ühtni Alamaiden armijha i pölištui Batavijas), sid' naimiželospäi Karl (istorik) i Immanuil (teolog). Georg joi äi vinad, nühai tabakod, ühtni kartvändoihe.

Valitud sädused

Päižed

• «Hengen fenomenologii» (1807, saks.: Phänomenologie des Geistes)
• «Logikan tedo» (1812−1816, Wissenschaft der Logik)
• «Filosofižiden tedoiden enciklopedii» (1817, Enzyklopädie der philosophischen Wissenschaften, voziden 1827 i 1830 pästandoiden ližadusidenke)
• «Oiktusen filosofijan elementad» (1821, Grundlinien der Philosophie des Rechts)

Toižed

• «Hristanižen religijan pozitivižuz» (1795/96, Die Positivität der christlichen Religion)
• «Skepticizman pidand filosofijha» (1802, Verhältnis des Skeptizismus zur Philosophie)
• «Filosofijan propedevtik» (1808−1811, Philosophische Propädeutik)
• «Mail'man istorijan alusiš, jagandas i hronologijas» (1830, Über Grundlage, Gliederung und Zeitenfolge der Weltgeschichte. Von J. Görres)

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.