Gurčenko Lüdmila

<table class="infobox infobox- " style="" data-name="Personalii" >

Lüdmila Markovna Gurčenko (ukr.: Людмила Марківна Гурченко, ven.: Людмила Марковна Гурченко; sünd. 12. kül'mku 1935, Har'kov, Ukrainan NST, NSTÜ — kol. 30. keväz'ku 2011, Moskv, Venäma) oli nevondkundlaine i venämalaine pajatai, fil'miden aktris i scenarist. NSTÜ:n rahvahaline artist (1983), Venälaižen Federacijan valdkundaližen premijan laureat (1994).

Biografii

Tuleban aigan aktrisan tat oli goll' radnik i Oktäbrin revolücijan polenpidai, mam oli bajarišton rodul. Kazvatajad radoiba Har'kovan filarmonijas. Neižne eli Har'kovas pästandhasai školaspäi, sidä kesken nacistoiden okkupacijan aigan. Ajeli Moskvha i openui VGIK:as vll 1953−1958.

Gurčenko zavodi aktrisan kar'jerad vl 1956. Vändi tetabid rolid muzikkomedijoiš i fil'miš-operettoiš ezmässai, edesti äi rolid teatras. Fil'mzihe enamba mi sadas čomamahtoižiš fil'miš i TV-serialoiš. 2000-nzil vozil naine ühtni dokumentaližihe fil'mihe.

Valitud fil'mografii

• «Karnavaline ö» (1956) — Lena Krilova, karnavalan organizator
• «Neižne gitaranke» (1958) — Tan'a Fedosova, möi muziklaukas
• «Ristit nikuspäi» (1961) — Lena, Poražaevan i Krohalövan mel'heine
• «Kezaližed uned» (1972) — Galina Sahno
• «Kaks'kümne päiväd sodata» (1976) — Nina Nikolaevna
• «Sibiriad» (1978) — Taja Solomina 1960-nzil vozil
• «Vagzal kahten täht» (1982) — Vera Nikolaevna Nefödova, vagzalanverižen restoranan oficiant
• «Gardemarinad 3» (1992) — Johanna, Fike-princessan mam
• «Naižen oza» (2001) — Margarita