Glazunov Il'ja

<table class="infobox infobox- " style="" data-name="Personalii" >

Il'ja Sergejevič Glazunov (ven.: Илья Сергеевич Глазунов; sünd. 10. kezaku 1930, Leningrad (nügüd' Piter), Venäman NFST, NSTÜ — kol. 9. heinku 2017, Moskv, Venäma) oli nevondkundal'ne i venämalaine voimujupirdai, scenograf, pedagog. Sai NSTÜ:n rahvahan pirdai-arvnint (1980).

Biografii

Mez' oli sündnu Leningradha intelligencijan kanzha: Sergei Glazunov-tat oli istorikan, tatan kanzan däd' — patalogoanatom i voikuviden M. Glazunov-keradai, Ol'ga-maman kanzan däd' — K. Flug-päivouzmmantedomez'. Vedihe prihašt 12-voččen blokadaspäi Elontedme i hän eli Uz'lidnan agjas, toižed lähižed heimolaižed pölištuiba Leningradan blokadas.

Priha pördui Leningradha i openui čomamahtoližes keskškolas, sid' Leningradan voimujupirdandan, skul'pturan i arhitekturan institutas Repinan nimed B. Jogansonan radhonuses (1951−1957). Pirdandan ezmäine ozutelend tegihe Moskvan Čomamahtoiden radnikoiden keskuzpertiš vn 1957 uhokus, mäni surenke satusenke. Opendusen jäl'ghe mez' oli oigetud Iževskha pirdandan i trigonometrijan opendajaks, radoi Ivanovos i Moskvas. Sergei Mihalkov-runokirjutai andoi surt abud pirdajale hätken aigan.

Vspäi 1978 Glazunov radoi portretan radhonusen ohjandajan Moskvan čomamahtoližes institutas Surikovan nimed. Vl 1981 organizui Kaiken NSTÜ:n dekorativižen da rahvahaližen čomamahton muzejad Moskvas i kändihe sen direktoraks. Vspäi 1987 Venäman voimujupirdandan, skul'pturan i sauvondan akademii radab Moskvas, sätihe sidä Glazunovan iniciativan mödhe, hän oli sen rektoran vajehtusita. Vn 2004 31. päiväl elokud Moskvan valdkundaline Il'ja Glazunovan kuvagalerei om avaitud.

Glazunov om mahapandud Novodevičii-jumalankodin kaumžomas (Moskv). Oli naižiš kahtišti, lapsed Ivan i Vera Glazunovad ezmäižes naimiželospäi, molembad oma pirdajad mugažo.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.