Gendel' Georg Fridrih

<table class="infobox infobox- " style="" data-name="Personalii" >

Georg Fridrih Gendel' (saks.: Georg Friedrich Händel [ˈɡeːɔɐ̯k ˈfʁiːdʁɪç ˈhɛndl̩], angl.: George Frideric (vai Frederick) Handel [ˈhændəl]; sünd. 23. uhoku (5. keväz'ku) 1685, Halle, Magdeburgan gercogkund, Brandenburg-Prussii, Pühä Rimalaine imperii — kol. 14. sulaku 1759, London, Sur' Britanii) oli saksalaine i britanine muzikankirjutai, eli barokkon aigan. Sädi 42 operad, 26 oratorijad, äiluguižid kantatoid, kompozicijoid koskimsoitoiden täht. Mahtoi väta klavesinal nellävozne, organal seičemevoččes igäspäi i torvudel.

Biografii

Gendel' sai muzikopendust da mahtoid Florencijas, Rimas i Venecijas (nügüdläižen Italijan lidnad) vll 1706−1709. Vspäi 1712 elon lophusai eli Sures Britanijas, sai sen rahvahanikust vl 1727.

Kanz

Gendel' ei olend naižiš i katli ičeze personališt elod. Eziauguižin hän zavetoiči antta kaluišton tobmad palad Johanna-plemännicale, no nell' ližadust zavetoičendale jagoiba sidä toižile heimolaižile, kazakoile, sebranikoile i hüvädtegijoile sebroile.

Sädused

Kaikiš tetabambiden sädusiden keskes oma «Muzik veden pindal» (koume süitad orkestran täht, angl. Water Music, 1715−1717), «Messii»-oratorii (angl. Messiah, 1741), «Muzik kunigahan praznikambuškelendan täht»-süit (angl. Fireworks Music / Music for the Royal Fireworks, 1749).

Sädusiden täuz' kogoduz nimitase germanijaks Händel-Werke-Verzeichnis («Gendelän sädusiden katalog»), se om pästtud koumen toman nägul vll 1978−1986, saksalaine Halle-Vittenbergan universitetan Bernd Bazel't-muzikantedai tegi sidä kogodust.

Irdkosketused

• Georg Fridrih Gendelän pert' i Džimi Hendriksan fater: muzei Londonas (handelhendrix.org).  (angl.)