Fevral'sk

<table class="infobox infobox- " style="" data-name="El6ndtaho" >

Fevral'sk-stancijan vagzal (2006)

Fevral'sk (ven.: Февра́льск) om Venäman radinžilo (lidnanvuitte žilo) Amuran agjan Selemdžan rajonas.

Istorii

Žilo om tehtud BAM:an sauvondan aigan (1974−1980 voded). Kätihe lidnanvuiččeks vl 1982. Om nimitadud venän kelen uhokun nimen mödhe (февраль).

Fevral'sk šingotase mecan varhapanendan vemha Kitaihe kahtel edheotandal («Fevral'sk-les», «Li Čan Li»), parziden pilindan 22 edheotandal, ühtennimižel raudtestancijal (vspäi 1997, raudten distancii, vedimdepo). Snamba mi 60 torguindan edheotandad ratas žilos.

Geografijan andmused

Žilo sijadase rajonan päivlaskmas, Selemdž-jogen (ven.: Селемджа́) i sen huran Biss-ližajogen (Бы́сса) keskes, avtotel Svobodnijan i Ekimčanan keskes. Matkad Ekimčan-rajonkeskushesai om 204 km päivnouzmha-pohjoižpäivnouzmha.

Lähine Fevral'skoje-žilo (vspäi 1896, 348 rist. vl 2010) mülüb lidnankundha Fevral'skan ližaks. Lidnankundan pind om 1348 km².

Eläjad

Vn 2010 Venäman rahvahanlugemižen mödhe žilon eläjiden lugu oli 5 128 ristitud, rajonan pol'. Kaikiš suremb ristitišt oli 8 816 eläjad vl 1989.

Ortodoksižen hristanuskondan Pühän Jumalanmaman Sündundan puine jumalanpert' om avaitud žilos vl 2013.

Nened büdžetižed aluzkundad ratas žilos: keskškol, kirjišt, kul'turkeskuz, lapsiden muzikškol i sportškol, läžundkodi.

Professionaližen opendusen aluzkundad sijadasoiš lähembaižiš lidnoiš.

Irdkosketused

• Lidnankundan oficialine sait (fevralskadm.ru). (ven.)