Desireless

<table class="infobox infobox- " style="" data-name="Музыкант" itemscope itemtype="http://schema.org/Person">Desireless

Desireless om sanoidenühtenzoituz, mitte francian kelel nimitase [deziʁˈlɛs] (ven.: «Лишенная желаний»), todesine nimi — Klodi Fritš-Mantro (ven.: Клоди́ Фритш-Мантро́, franc.: Claudie Fritsch-Mentrop; ) om tutab francialine pajatai.

Vozil 1986—1988 hänen Voyage Voyage-pähit oli ezmäižil sijoil Jevropan da Azian čartoiš da oli mödud vižmillionižel lugumäral.

Desireless koncertal Francijas, voden 2013 kezakus

Elostarin

Om sündunu Pariž-lidnas, kazvoi Primorskaja Sena-departamentan Le-Treportas. Voziden 1970 augotišes tegihe model'jeraks. Zavodi pajatada vozil 1980. Vodel 1983 vastsi kompozitoran da muzikprod'useran Žan-Mišel' Rivan, kudamb jo tegi ičeleze nimen rates ühtes , Mišel' Delpešanke, Frans Gal'l'enke, Patrik Ž'uvenke da toižidenke. Vodel 1986 Riva kirjuti Voyage, voyage-pajon, mitte sai Jevropan maiden čartoiden ezmäižed rived da libui UK Singles Chartan 5. rivele.

Hänen ezmäinen «François»-al'bom läksi vodel 1990 «Qui Sommes-Nous?»-kompozicijanke, mitte tegihe hänen koumandeks hitaks (toine oli «John» vodel 1988). Sidä jäl'ghe hänel oli rat'aig, hänel sündui Lili-tütär. Toine Desireless «I Love You»-al'bom läksi vodel 1994.

Keväz'kus vodel 2007 läksi «More Love & Good Vibrations»-al'bom, miččes om keratud pajod miččed om kirjutadud ühtes Fabjenanke da Miminke da völ akustižed kompozicijad. Ühtes giteristanke Mik Židinomanke läksi «Le petit bisou»-al'bom voden 2007 lopus.

Voden 2009 lophusai ühtni «RFM Party 80»-turnes. Vodel 2010 läksi «Tes voyages me voyagent»-klip. Nece om Mantron da bel'gialaižen muzikamtan Aleks Mansjonan ühthine rad (ex-Leopold Nord & Vous).

Vodel 2014 pajatai azini «Vauktad öd»-festivalil Perm'-lidnas , «Ретро FM legendad»-festivalil Vologda-lidnas.

Vodelpäi 2012 radab ühtes Francian muzikantanke Antuan Orešanke sädaipeitnimi om Operation of the Sun. Ühtes pästiba nel'l' CD- da DVD-diskad. CD-diskal voden 2014 «Un seul peuple» («Единый народ») om «L’or du Rhin»-pajo venän kelel.

Diskografii

Al'bomad

• François (1989)
• I Love You (1994)
• Un brin de paille (2004)
• More Love and Good Vibrations (2007)
• Le petit bisou (2007)

Singlad

• Voyage, voyage (1986)
• John (1988)
• Qui sommes-nous? (1989, Ken mö olem?)
• Elle est comme les étoiles (1990, Hän om tähthiden kartte)
• Il dort (1994, Hän magadab)
• I love you (1994, Armastan sindai anglijan kelespäi)
• La vie est belle (2004, Elo om čomakulu)
• Free Your Love (2006, Anda valdad sinun armastusele, angl.)
• Tes voyages me voyagent (2009, Sinun matkad matkatas minunke)
• L'expérience humaine (2011, Ristitun elonmaht)

EP:id

• L'expérience humaine (2011)
• L'Œuf du Dragon (2012)

Kompil'acijad

• Ses plus grands succès (2003)

Lähtked

• Desireless-pajatajan oficialine sait (desireless.net).