Dürer Al'breht

<table class="infobox infobox- " style="" data-name="Personalii" >

Al'breht Dürer (germanijan kelel: Albrecht Dürer [ˈʔalbʁɛçt ˈdyːʁɐ]; sünd. 21. semendku 1471, Nürnberg, Saksanma, Pühä Rimalaine imperii — kol. 6. sulaku 1528, sigä-žo) oli germanine voimujupirdai da grafikanpirdai, ksilografijan mastar, pirdandgeometrijan üks' alusenpanijoišpäi. Hän oli Renessansan aigan ühteks järedambiš mastarišpäi Evropas.

Dürer oli čomamahton ezmaižen teoretikan Pohjoiževropas. Hän pani antropometrijan alusid mugažo. Kirjuti ičeze biografijan ezmäižen Evropas.

Mez' tegi paukatud grafikradoid kirjoiden painmižen täht, pirdi elokahiden mehiden portretoid. Düreral oli äi openikoid, no surid mehid heišpäi ei tehnus. Kaik om kaičenus läz tuhad Düreran voikuvid da pirdandkuvid, niiden keskes om peizažid, portretoid, mehiden, živatoiden i kazmusiden tarkoiktoid kuvid. Pirdai kaiči ičeze opendusen aigan kuvid eskai. Düreran grafine jäl'guz om kaikiš järedambišpäi Evropan čomamahtos, se seižub ühtes riviš da Vinčin i Rembrandtan grafikanke suruden i znamoičendan mödhe.

Valitud sädused

• «Pühä Ieronim rahvahatomas mas» (läz 1496. vot, saks.: Büßender Hieronymus)
• «Drezdenan altar'» (1496−1497, triptih, Marienaltar)
• «Hristos opendajiden keskes» (1506, Der zwölfjährige Jesus unter den Schriftgelehrten «Kaks'toštkümnevozne Iisus kirjnikoiden keskes»)
• «Adam i Eva» (1507, diptih, Adam und Eva)
• «Kumardelend Pühäle Stroicale» / «Landaueran altar'», (1511, Allerheiligenbild / Landauer Altar)
• «Nell' apostolad» (1526, Die vier Apostel)

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.