Buffon Džanluidži

<table class="infobox infobox- " style="font-size:96%;" data-name="Футболист" itemscope itemtype="http://schema.org/Person">

Džanluidži Buffon

1677888000

Džanluidži Buffon (ven.: Джанлуи́джи Буффо́н, ital.: Gianluigi Buffon; ) — italijalaine jaugmäčvändai, verainik da Parma-jaugmäčkluban kapitan. Om kaikiden aigoiden parahim verainik. Hän om Italian čempionatan vändoiden rekordsmen da neciš turniras minutoiš pästamatomita metiškendoita. Karjeran aigan sai äi personaližid pauklahjoid.Mäneti enamba 1000 tedomahtošt vändod. «Arvtegoiš Italian Valdkundan täht» ordenan oficer.

Buffonan ezmäine klub aigvoččel korktudel om Parma-jaugmäčklub., miččen joukus vodel 1995 eziozutihe Italian čempionatal. Pigai Džanluidži tegihe kaikid perspektivižembaks italialaižeks verainikaks, а vodel 1999 ühtes ičein klubanke vägesti Italian Kubkas , UEFA Kubkas da Italian Superkubkas . Vodel 2001 hän mäni Juventus- jaugmäčklubaha rekordnijas sidä aigan verainikan radon paukas 52 millionad jevro. Turinan kluban joukus Buffon tegihe mail’man parahimaks vändajaks ičeze pozicijal, kümne kerdad oli Italian čempionan, nel’l’ kerdad Italian Kubkan vägestajan da viž kerdad Italian Superkubkan vägestajan. Sidä paiči, vodel 2006/07 hän vägesti B-Serijas. Džanluidži om ezmäine polkiper, kudamb oli vahvištoitud voden parahimaks jaugmäčvändajaks Italias da 12 kerdad oli voden parahiman verainikan Italijas. Vodel 2017 sai ezmäižen istorijas The Best FIFA Goalkeeper-pauklahjan. Vodel 2018 jäl’ges 17 vot , miččed hän mäneti Juventus-jaugmäčklubas, Buffon allekirjuti kožmusen Francian «Pari Sen-Žermen»-klubanke, miččes tegihe kapitanaks da ühtes jaugmäčjoukunke vägesti Francian Superkubkan da sai Liga 1-čempiontitulan, no voden lopus pörzihe tagaz Juventus-klubaha, a jäl’ges I Parma-jaugmäčklubha.

Mändes Italian rahvahaližen päjoukun norišton joukuiden päliči, vodel 1997 Buffon eziozutihe päjoukus . Hän vändi 176 vändod da tegihe rekordsmenaks vändoiden lugun mödhe, völ sai kümnenden sijan vändoiden mödhe rahvahaližiš joukuiš kaikes aigas. Vodel 2010 Buffon tegihe ičein jaugmäčjoukun kapitanaks da oli neciš statusas karjaran lophusai vodel 2018 . Ühtni videhe mail’man čempionataha (1998, 2002, 2006, 2010, 2014). Vodel 2006 tegihe necen turniran vägestajaks, da oli nimitadud sen parahimaks verainikaks . Sidä paiči, Buffon ühtni nellähä Jevropan čempionataha (2004, 2008, 2012, 2016), kahthe Konfideracijan Kubkaha двух (2009, 2013) da Olimpikvändoihe vodel 1996.

Vodel 2004 hän oli mülütadud 125 mail’man kaikid tetabiden vändajiden lugetišehe Pelen versijan mödhe. Vodel 2006 sai toižen sijan änestamižes Kuldaine mäč-pauklahjas, vaiše pästi edehe toižen italialaižen Fabio Kannavarod. Vodel 2002/03 Buffon ezmäine verainikoišpäi sai Jevropan kluboiden sezonas voden parahim jaugmäčvändai-nimen, a vodel 2016 hän ezmäine verainikoišpäi sai Golden Foot-pauklahjan. Völ Buffon viž kerdad sai parahim mail’man verainik MFFIISan versijan mödhe, kut Iker Kasiljas da Manuel’ Nojer.

Džanluidži Buffon om pauklahjoitud «Arvtegoiš Italian Valdkundan täht» ordenanal (2006), Kuldaižel čepil sportarvtegoiš (2006) da sai personaližen tähthan Italian sportan käveluzkujol (2025).

Elostarin

Džanluidži om sündnu Karrar-lidnha Toskan-agjas, sportnikoiden kanzas. Hän zavodi kar'jerad «Kanaletto Sepor»-klubas. Pidab päelokalušton objektoid da kuverz'-se laukoid.

Oli nainu üks'jäižen kerdan čehalaiženke Alena Šeredova-modelinke, besedoiči toiženke kahtenke naiženke. Hänel om koume poigad: Luis Tomas (om sündunu vodel 2007), Devid Li (om sündunu vodel 2009) da Leopol'd Mattija (om sündunu vodel 2016)..

Vodel 2025 Lui Tomas-poig ezmäižen kerdan vändi А-serijas. 17‑vozne jaumäčunvändai tuli pöudole adivmatčas "Bolonjad" vasthapäi "Pizan"-joukunke. Lui aigemba vändi ezmäižen kerdan Italijan kubkas, no korktoid satusid ei ozutand. Nügüd' "Piza" jouk om jäl'gmäižel 20. sijal turniran lugetišes, se sai kaks' ballad.

Homaičendad

Lähtked

Lähtked

• Džanluidži Buffonan oficialine sait (gianluigibuffon.it). (ital.)  (angl.)