Bologoje

<table class="infobox infobox-Skriptitõrge: Moodulit "Hash" pole. " style="" data-name="El6ndtaho" >Skriptitõrge: Moodulit "String" pole.Skriptitõrge: Moodulit "Wikidata" pole. Skriptitõrge: Moodulit "Wikidata" pole. Skriptitõrge: Moodulit "Infobox" pole.Skriptitõrge: Moodulit "Wikidata" pole.Skriptitõrge: Moodulit "Transclude" pole.

Bologoje (ven.: Болого́е) om Venäman lidn da raudtestancii Tverin agjan lodehes. Se om Bologojen rajonan i Bologojen lidnankundan administrativine keskuz.

Istorii

Eländpunkt mainitase ezmäižen kerdan vl 1495 kuti Bologoje-külä Bologojen järvenno Uz'lidnan Derevskai-agjan aigkirjas. Vl 1851 «Moskv — Piter»-raudte tuli Bologojehe, i külä šingotaškanzi. Saudihe äi edheotandoid holitamha raudted, sikš miše stancii sijadase raudten keskel. Vn 1917 3. päiväl kezakud ühtištadihe Bologoje-žilod Bologoje-külänke da anttihe lidnan statusad Venäman Pordaigaližen ohjastusen käskön mödhe, lidn mülüi Valdain makundha.

Bologoje šingotase raudteinfrastruktural i raudtespecmašinoiden kohendusel, torvarmaturan tegimel^[1], mebel'fabrikal, sömtegimištol (maidtegim, leibän edheotandad).

Geografijan andmused

Lidn sijadase rajonan keskuzpalan suves, Valdai-ülüden pohjoižpäivnouzmaižil pautkil 150..200 m ü.m.t. kortte, Bologojen järven randal (7,87 km², Olhav-jogen bassein), i Orgizkovo-järv om lidnan pohjoižes. Matkad Tverišpäi om 164 km lodeheze.

Kaik ühesa pen't küläd da raudtestancii mülüdas lidnankundha Bologojen ližaks. Bologoje jagase koumeks territorialižeks rajonaks: Tegimen, Päivlaskmaine, Järventagaine.

Eläjad

Vn 2010 Venäman rahvahanlugemižen mödhe lidnan eläjiden lugu oli 23 494 ristitud, lidnankundan — 23 660 ristitud, se om enamba pol't rajonan ristitištos. Kaikiš suremb lidnan ristitišt oli 35 926 eläjad vl 1989. Kaik 21 425 eläjad oli lidnas i 21 524 ristitud kaikes lidnankundas.

Ortodoksižen hristanuskondan kuz' pühäpertid^[2] oma saudud lidnas: koume jumalanpertid i koume časounäd.

Bologojen kolledž^[3] om lidnan professionaližen opendusen aluzkundaks.

Galerei

Sportpert'kulu (2017)
Ph. Stroican jumalanpert', vn 2017 nägu
«Venäman raudted»-kompanijan kontor (2013)
Škol nomer 11 (2017)
Bologoje-Moskovskoje-päraudtestancijan (vai Bologoje-1) ühthine nägu vl 2018

Homaičendad

↑ Bologojen armaturantegimen sait (bolarm.ru). (ven.)
↑ Bologojen pühäpertid sobory.ru-saital. (ven.)
↑ Bologojen kolledžan sait (bolkolledg.ru). (ven.)

Irdkosketused

Lidnan tobmuden aluzkundoiden oficialine sait (bologoe-gorod.ru). (ven.)

	Tverin agjan lidnad
	Andreapol' \| Belii \| Bežeck \| Bologoje \| Kaläzin \| Kašin \| Kimri \| Konakovo \| Krasnii Holm \| Kuvšinovo \| Lihoslavl' \| Nelidovo \| Ostaškov \| Päivlaskmpol'ne Dvin \| Ržev \| Staric \| Zubcov \| Toropec \| Toržok \| Tver' \| Udoml' \| Ves'jegonsk \| Višnii Voločok

[1] Bologojen armaturantegimen sait (bolarm.ru). (ven.)

[2] Bologojen pühäpertid sobory.ru-saital. (ven.)

[3] Bologojen kolledžan sait (bolkolledg.ru). (ven.)

[1]

[2]

[3]