Bekasi

<table class="infobox infobox- " style="" data-name="El6ndtaho" >

Bekasin sijaduz päivnouzmha Džakartaspäi i lidnan rajonad

Bekasi (indonez.: Kota Bekasi [ˈbəkasi]) om lidn Indonezijan Jav-saren lodehes. Se om valdkundan koumanz' lidn eläjiden lugun mödhe, mülüb Päivlaskmaine Jav-agjaha. Mülüb pälidnan Džabodetabek-lidnaglomeracijha.

Istorii

Eländpunkt mainitase ezmäižen kerdan Dajeuh Sundasembava-nimitusenke (Dayeuh Sundasembawa) 5. voz'sadal. Mülüi Batavijan territorijha kolonialižel aigal.

Bekasi šingotase Džakartan päivnouzmaižeks ezilidnaks, äi eläjid ratas pälidnas. Torguindan (sured mollad) i tegimišton znamasine keskuz, neniden tetabiden kompanijoiden tegimed ratas lidnas: Honda, Hankook, LG, Samsung.

Geografijan andmused

Lidn sijadase agjan lodehes, Javan meren randal, 11..81 m korktusil, 18 m ü.m.t. keskmäižel korktusel.

Klimat om tropine mussonine. Kun keskmäine lämuz om +27..+29 C° vodes läbi. Paneb sadegid 1900 mm vodes, enamba tal'vkus-keväz'kus (223..351 mm kus), vähemba heinkus-sügüz'kus (42..67 mm kus).

Bekasi jagase 12 nimitadud rajonaks (indonez.: kecamatan). Edeline lidnan pämez' om Rahmat Effendi (sulaku 2011 — keväz'ku 2018, sügüz'ku 2018 — viluku 2022).

Eläjad

Vl 2011 eläjiden lugu oli 2 334 142 ristitud 210,49 km² pindal. Kaikiš suremb lidnan ristitišt om nügüd'.

Religijan mödhe (2021): islamanuskojad — 88,5 %, protestantad — 7,8 %, katolikad — 2,6 %, buddizman polenpidajad — 0,9 %, induizman uskojad — 0,2 %.

Irdkosketused

• Lidnan oficialine sait (bekasikota.go.id). (indonez.)