Bahčisarai

<table class="infobox infobox- " style="" data-name="El6ndtaho" >

Bahčisarai (ven. Бахчисарай}}, krim.-tat.: Багъчасарай / Bağçasaray «sad-pert'kulu») om lidn Krim-pol'saren suvel Venämal. Se om Bahčisarajan rajonan administrativine keskuz.

Istorii

Kuldaižen ordan aigaspäi koume eländpunktad oli nügüdläižen lidnan territorijal: Kirk-Er-lidnuz (nüg. Čufut-Kale), Salačik i Eski-Jurt. Vl 1532 panihe Bahčisarain alust Kriman hankundan pälidnaks, i se oli pälidnan vhesai 1783, konz Krim oli mülünu Venäman imperijha.

Bahčisarai om tetab sömtegimištol (vin, leibänproduktad), sauvondal, istorižel turizmal i kurortaks.

Geografii

Lidn sijadase Sevastopol' — Simferopol' pol'tel, Kriman mägiden ezimägištol, 150..300 m ü.m.t. korktusil. Matkad Simferopolin keskushesai om 30 km pohjoižpäivnouzmha.

Lidnanvuitte Naučnii-žilo observatorijanno (ven. Научный, krim.-tat. Научный / Nauçnıy, 704 rist. vl 2017) mülüb lidnankundha Bahčisarain ližaks.

Eläjad

Vl 2012 lidnan eläjiden lugu oli 26 363 ristitud, rajonan koumandez. Kaikiš suremb lidnan ristitišt oli 27 549 eläjad vl 2001 i 27 450 eläjad vl 2015.

Rahvahad (enamba 0,4% vl 2014): venänikad — 59,2%, krimantatarlaižed — 22,5%, ukrainalaižed — 10,1%, totarlaižed — 3,8%, vaugedvenälaižed — 0,7%, armenijalaižed — 0,4%, toižed rahvahad — 1,8%, rahvahuden ozutandata — 1,5%.

Bahčisarain sauvondan da transportan tehnikum i Bahčisarain sauvondan, arhitekturan da dizainan kolledž oma professionaližen opendusen aluzkundoikš.

Irdkosketused

• Lidnan oficialine sait (bahchisaray.rk.gov.ru). (ven.)