Ardatov

<table class="infobox infobox- " style="" data-name="El6ndtaho" >

Ardatov (ven. i mokš.: Ардатов, erz.: Орданьбуе ош) om Venäman lidn Mordovijan Tazovaldkundan pohjoižpäivnouzmas. Se om Ardatovan rajonan lidnankund da administrativine keskuz.

Istorii

Eländpunkt mainitase ezmäižen kerdan 17. voz'sadal kuti Ardatovankülä (ven.: деревня Ардатова). Vspäi 1780 kätihe Simbirskan gubernijan makundan lidnaks.

Nevondkundaližen aigan Ardatov šingotihe punümbriradajal tegimištol, vatan fabrikal i sömtegimištol (leibänkombinat i argvoin tegim).

Geografijan andmused

Lidn sijadase Alatir'-jogen oiktal randal (lankteb Surha huralpäi 20 kilometras, Volgan oigedpol'ne bassein), 150 m ü.m.t. keskmäižel korktusel. Matkad Saranskhasai om 114 km suvipäivlaskmha avtotedme. Lähembaine lidn om Alatir' (Čuvašii) 20 km päivnouzmha orhal. Ardatov-raudtestancii sijadase 10 km suvhe lidnaspäi «Saransk — Kazan'»-linijal.

Ardatov om lidnankundan üks'jäine eländpunkt.

Eläjad

Vn 2010 kaiken Venäman rahvahanlugemižen mödhe eläjiden lugu oli 9 400 ristitud, rajonan ristitišton koumandez. Kaikiš suremb ristitišt oli enamba 10 tuhad eläjid vozil 1989−2001 (10 200 rist. vl 1998).

Rahvahad (vn 2002 rahvahanlugemine, enamba 1%, ozutadud rahvahudenke): venälaižed — 66,2%, mordvinalaižed (tobj. erzänkel'žed) — 32,1%, toižed rahvahad — 1,7%.

Ortodoksižen hristanuskondan koume pühäpertid oma olmas lidnas: ph. Mikulain kafedraline päjumalanpert' (vspäi 1809), ph. Stroican päjumalanpert' (ei ole väges), ph. Sergii Radonežalaižen časoun' (om letud vl 2011).

Ardatovan agrarine tehnikum I.A. Požarskijan nimed i Ardatovan medicinine kolledž oma professionaližen opendusen aluzkundoikš.

Lidnankundan Administracijan edeline pämez' om Andrei Kozlov (kül'mku 2016 — sulaku 2021).

Galerei

• 
  Lidnan puišt (2022)
• 
  Laukad vl 2022
• 
  Bankan sauvuz i lauk vl 2022
• 
  Kul'turkeskuz (2022)

Irdkosketused

• Lidnan tobmuden aluzkundoiden oficialine sait (gp-ardatov.ardatov.e-mordovia.ru). (ven.)

Šablon:Mordovijan Tazovaldkundan lidnad