Aleksandra Marinina

<table class="infobox infobox- " style="" data-name="Kirjutai" >Aleksandra Marinina

Aleksandra Marinina (ven.: Александра Маринина, todesine nimi — Marina Anatol'jevna Aleksejeva ven.: Марина Анатольевна Алексеева, ) om tutab venälaine kirjutai. Hän kirjutab äjan detektivižid romanoid venän kelel. Om milicijan podpolkovnik. Hän om milicijan majoran Anastasia Komenskajan ciklan tegii, se toi tegijale mail'man tetabud: kirjad oma kätud läz 30 kel'he da niiden mödhe oma tehtud fil'mad.

Elostarin

Marina Anatoljevna sündui 16. kezakud vodel 1957 Ukrainan SSRan L'vov-lidnas. Vodehesai 1971 eli Piteriš, vodelpäi 1971 — Moskvas. Openzihe anglian eriškoliš da völ Piterin .

Vodel 1979 lopi Moskvan valdkundaližen universitetan M. V. Lomonosovan nimel juridižen tegokundan da mäni Sovetskijan Sojuzan MVD akademijaha. Zavodi karjeran laborantaspäi, vodel 1980 oli pandud tedoradnikaks da tegihe milicijan leitenantaks. Oppi vihanikan värpsihikanke personad.

Vodel 1986 polesti dissertacijan ven.: «Личность осуждённого за насильственные преступления и предупреждение специального рецидива»-teman mödhe. Hänel om enamba 30 tedoradod, sen lugus «Crime and Crime Prevention in Moscow»-monografii.

Vodelpäi 1994 radoi Venäman südäinazjoiden ministersvan Moskvan juridižen institutas.

Uhokus vodel 1998 om heittud radolpäi varha milicijan polkovnikan zvanijas.

Ezmäiže kerdan läksi mehele, konz hänele oli 19 vot. Konz hänele oli 23 vot erigoitihe. Toižen kerdan läksi mehele, konz hänele oli 40 vot Sergei Zatočnijan taga. Sergei Zatočnii om milicijan polkovnik.

Sädairad

Vodel 1991 Marina Aleksejeva ühtes Aleksandr Gorkinanke kirjutiba detektivižen starinan ven.: «Шестикрылый Серафим», mitte om paindud Milicia-kulehteses sügüzel vodel 1992. Starin oli allekirjutadud «Aleksandra Marinina»-peitnimel, mitte sündui kirjutajiden nimiden paloišpäi.

Aleksandra Marinina, 2010 voz'

Sidä jäl'ghe Marinina vodel 1992 päti kirjutada kirjan detektivžanras iče. Roman ven.: «Стечение обстоятельств», miččes ezmäižen kerdan il'mestui Anastasia Komenskaja-miliciimez', oli kirjutadud tal'vkus vodel 1992 — vilukus vodel 1993 da paindud Milicii-kulehteses sügüzel vodel 1993.

Sulakus vodel 1995 Eksmo-painištos om paindud hänen kirjutesed Must kaži-serijas.

Vodel 1995 Marinina sai Venäman südäinazjoiden ministerstvan premijan parahimas kirjutuses venälaižen milicijan rados.

Vodel 1998  hän oli nimitadud «Voden kirjutajaks», kudamban kirjad vodel 1997 oliba mödud kaikid surembal tiražil, a vodel 1998 tegihe Ogon'ok-kulehtesen laureataks Voden sabutuz-nomitacijas.

Verazmaižiden painištoidenke ezmäine kontrakt om allekirjutadud vodel 1997.

А. Marininan romanoiden mödhe zavodiba kuvitada filmad vodel 1999. «Rekun-fil'm»-kinokompanii tegi romanoiden mödhe Kamenskaja-teleserialan, a vodel 2002 sen jatkand «Kamenskaja 2-teleserialan toižiden romanoiden mödhe.

Vodel 2005 Aleksandra Marinina tegine Olimpia-premijan laureataks.

Vozil 2010—2012 hänen romad saiba Venäman litereturišt premijad elektronižiden kirjoiden keskes .

Vodel 2025 Piterin XX kirjsalonan aigan oli vastuz kirjutajanke. Sidä aigan voi ostta Marininan kirjoid, tehta küzundoid kirjutajale. .

Radoiden lugetiž

Kirjserii Anastasia Kamenskian polhe

• «Olendazjoiden ühthejoksmuz» (1992, Стечение обстоятельств);
• «Vänd verhal pöudol» (1993, Игра на чужом поле);
• «Heittud uni» (1994, Украденный сон);
• «Rikoi vasttahtod» (1995, Убийца поневоле);
• «Surm surmha näht» (1995, Смерть ради смерти);
• «Kuz'nikad koldas ezmäižil» (1995, Шестёрки умирают первыми);
• «Surm i vähän armastust» (1995, Смерть и немного любви);
• «Must nimikirjutez» (1995, Чёрный список);
• «Surmanjäl'geline mel'kuva» (1995, Посмертный образ);
• «Pidab maksta kaikes» (1995, За всё надо платить);
• «Veraz mask» (1996, Чужая маска);
• «Algat telustagoi surmičijale» (1996, Не мешайте палачу);
• «Stilist» (1996, Стилист);
• «Grähkan illüzii» (1996, Иллюзия греха);
• «Surman vauvaz mod» (1996, Светлый лик смерти);
• «Žertvan nimi — Niken» (1996, Имя потерпевшего — Никто);
• «Meheližed vändod» (1997, Мужские игры);
• «Olen kolnu eglai» (1997, Я умер вчера);
• «Rekviem» (1998, Реквием);
• «Muzikan prizrak» (1998, Призрак музыки);
• «Seičemenz' žertv» (1999, Седьмая жертва);
• «Konz jumalad nagrdas» (2000, Когда боги смеются);
• «Sauptoi uks'» (2001, Незапертая дверь);
• «Koumen eidandoiden zakon» (2003, Закон трёх отрицаний);
• «Toižkirjutajad» (2004, Соавторы);
• «Üks'jaiželon ulaidajad koirad» (2004, Воющие псы одиночества);
• «Lidnalaine tarif» (2006, Городской тариф); [mugažo om kirjserijas I. Dorošinan polhe]
• «Elo jäl'ges elod» (2010, Жизнь после жизни);
• «Personaližed motivad» (2010, Личные мотивы);
• «Surm kut čomamaht. Maskad» (2011, Смерть как искусство. Маски);
• «Surm kut čomamaht. Oigedsudind» (2012, Смерть как искусство. Правосудие);
• «Angelad ei jä elegiš jäl» (2014, Ангелы на льду не выживают), kaks' tomad;
• «Surmičend käredata planata» (2015, Казнь без злого умысла)

Kirjserii Igor' Dorošinan polhe

• «Objektan vajehtuz» (2005, Замена объекта);
• «Punotiž ridaižele» (2005, Пружина для мышеловки);
• «Lidnalaine tarif» (2006, Городской тариф).

«Kaceg igäaigaspäi»-kirjserii

• «Hüväd kägedused» (2009, Благие намерения);
• «Te» (2010, Дорога);
• «Ad» (2010, Ад).

«Oiktan elon ogeruded»-kirjserii

• «Hän, ken tedab» (2001, Тот, кто знает), kaks' tomad;
• «Mušton fantom» (2002, Фантом памяти);
• «Joga ičtaile» (2003, Каждый за себя);
• «Jän mujand» (2006, Чувство льда);
• «Kaik eile muga» (2007, Всё не так).

Serijata

• «Kuz'suugaine Serafim» (1991, Шестикрылый Серафим), toine avtor om Aleksandr Gorkin;
• «Komedijad» (2001, Комедии);
• «Tigroiden tora alangištos» (2012, Бой тигров в долине);
• «Rebitadud nitid» (2012−2013, Оборванные нити), koume tomad;
• «Jäl'gmäine päiduz» (2013, Последний рассвет);
• «Posoh dvulikovo Janusa» (2025, Посох двуликого Януса).

Lähtked

• Официальная группа ВКонтакте
• Александра Маринина ВКонтакте
• Александра Маринина в Одноклассниках
• Александра Маринина: «Духи „Настя Каменская“ или магазин одежды для деловых женщин „Каменская“ никогда не появятся на свет»