Mine sisu juurde

Šurik (fil'm)

Мегавики-späi
Kodvdud kirjutez

Skriptitõrge: Moodulit "Категории качественных" pole.

<table class="infobox infobox-Skriptitõrge: Moodulit "Hash" pole. " style="" data-name="Serialan geroi" >ŠurikSkriptitõrge: Moodulit "Wikidata" pole. Skriptitõrge: Moodulit "Wikidata" pole. Skriptitõrge: Moodulit "Infobox" pole.Skriptitõrge: Moodulit "Wikidata" pole.Skriptitõrge: Moodulit "Transclude" pole. Šurik (Шу́рик, Алекса́ндр Серге́евич Тимофе́ев) — popul'arižiden sovetskijoiden kino-ohjandajan Leonid Gaidajan komedijoiden tetab geroi, nor' üläopenik, intelligentine mez' očkiš, kudamb kaiken aigan putub ilokahiže azjoihe. Šurikan roliš vändi RSFSRan rahvahaline artist, dublin akt'or Aleksandr Demjanenko.

Geroi vändab koumes sovetskijas kino-ohjandajan Leonid Gaidajan komedijas, miččid snimihe vozil 1960-1970. Kacui nägeb Šurikad erazvuiččiš modoiš da kuviš. Ühtes fil'mas hän om üläopenik, toižes — inžener-tegii, sid' lehtmez' da IT-azjantundii. «„Ы“-operacii da Šurikan toižed ilokahad azjad» da «Kavkazan plennic, libo Šurikan uded ilokahad azjad» - fil'moiš hän oli vaugedtukaine, «Ivan Vasiljevič vajehtab professijan»-fil'mas hän tegihe must-tukaižeks.

Gaidai zavodi tehta ezmäižen fil'man Šurikas vodel 1964. Ezmäks meletihe, miše pägerojan nimi linneb Vladik, no sidä vajehtihe, miše kacujad ei meletaižigoi Vladlen-nimen polhe (Vladimir Iljič leninan polhe). Konz kino-ohjandai tegi necidä gerojad hän mušti Čarli Čaplinad[1].

Šurik om mugažo voden 2014 «Kavkazan plennic!»-remeikan da «Ivan Vasiljevič vajehtab kaiken»-parodijan pägeroi, se läksi eloho vodel 2023. Šurikan roliš neciš koumes projektas vändiba akt'orad Dmitrii Šarakois (änesti Sergei Brunov) da Demis Karibidis.

Fil'mad gerojanke

  • «„Ы“-operacii da Šurikan toižed ilokahad azjad» (ven.: «Операция «Ы» и другие приключения Шурика») (1965)[2][3].
  • «Kavkazan plennic, libo Šurikan uded ilokahad azjad» (ven.: «Кавказская пленница, или Новые приключения Шурика») (1967)[2][3].
  • «Ivan Vasiljevič vajehtab professijan» (ven.: «Иван Васильевич меняет профессию») (1973)[2][3].
  • «Nene uskmatomad muzikantad, libo Šurikan uded uned» (ven.: «Эти невероятные музыканты, или Новые сновидения Шурика») (1977)[2].
  • «Vanhad pajod päazjas 2» (ven.: «Старые песни о главном 2») (1997, pen' kameo)[4].
  • «Vanhad pajod päazjas 3» (ven.: «Старые песни о главном 3») (1998; «Ivan Vasiljevičan…»-fil'man süžetan pol'jatkamine)[5][6].
  • «Kavkazan plennic!» (ven.: «Кавказская пленница!») (2014, originaližen fil'man remeik)[2][3].
  • «Ivan Vasiljevič vajehtab kaiken» (ven.: «Иван Васильевич меняет всё») (2023; «Ivan Vasiljevičan…»-parodii da pol'remeik)[3].

Gerojan elokuva

Vodel 1965 sovetskijas kinematografas sündui uz' geroi — mel'dütoitai da ustavakaz üläopenik očkiš Šurik, kudamb tuli mel'he sovetskijoile kacujile. Hän ühtel aigal om tozine da ilokaz, ustavakaz, hüväsüdäimeline, aktivine da kaiken aigan opendusehe libo radoho tartui ristit. Šurik paksus putub ilokahiže azjoihe da om vaumiž abutada toižile[7]. Tehta mugoižen gerojan Leonid Gaidajale abuti Čarli Čaplinan-heng[1][7][8].

Šurik vastase koumes sovetskijas komedijas, miččid snimi Gaidai vozil 1960–1970[9], fil'm-koncertas, a mugažo remeikas, mitte läksi eloho vodel 2014, da «Ivan Vasiljevič vajehtab kaiken»-parodijas, mitte tuli voden 2023 lopus. Hän vändab erazvuiččid rolid: üläopenik, inžener-tegii, lehtmez', IT-azjantundii. Hän oli vaugedtukaine «„Ы“-operacii da Šurikan toižed ilokahad azjad», «Kavkazan plennic, libo Šurikan uded ilokahad azjad» - fil'moiš, a «Ivan Vasiljevič vajehtab professijan»-fil'mas tegihe must-tukaižeks[8][10].

Leonid Gaidajan sovetskijoiš komedijoiš Šurikan roliš vändiba RSFSRan rahvahaline artist, dublin akt'or Aleksandr Demjanenko. Vodel 2014 sovetskijan «Kavkazan plennic!»-komedijan remeikas necidä rolid vändi akt'or Dmitrii Šarakois (änesti Sergei Burunov). Vodel 2023 eloho läksi «Ivan Vasiljevič vajehtab kaiken»-fil'm, kus gerojad vändi Demis Karibidis[10].

Gerojan istorii kinofil'moiš

«„Ы“-operacii da Šurikan toižed ilokahad azjad»-fil'm, mitte läksi eloho vodel 1965, siš om koume kinostarinad, oli ezmäižel sijal kinoteatroiš kaks' vot[1][7].

Šurik — nor' vaugedtukaine Politehnižen institutan üläopenik, eläb honuses akal-varjoičijal, «baboil — Jumalan purdeheinäl». Radab stroikal («Naparnik»-starin)[9], putub uskmatomihe da romantižihe istorijoihe, tundištoitase Lidanke («Navaždenije»-starin) da toradab vargastajidenke («„Ы"-operacii»-starin). Hän päzub hüvin ekzamenoiš fizikan mödhe, el'gendab runoiš, vägestab vihanikoid Trusad, Balbesad da Bivalijad (Jurii Nikulin, Georgii Vicin, Jevgenii Morgunov) da opendab laškad humalnikad Fed'ad (Aleksei Smirnov)[7][10].

Vodel 1967 tuli sikvel — «Kavkazan plennic, libo Šurikan uded ilokahad azjad». Komedijas Šurik om üläopenik, kudamb lähteb etnografižehe tedištuzmatkaha Kavkazale, miše kerata fol'klorad, no putub noren Nina-neiččen vargastamižehe da kaičeb händast[1]. «„Ы“-operacii da Šurikan toižed ilokahad azjad»-fil'man koume starinad, mugažo toine fil'm Šurikan polhe «Kavkazan plennic!» ozutab änetomiden komedijoiden stil'ad Čarli Čaplinanke, Garol'd Lloidanke da Baster Kitonanke[7][10].

«Ivan Vasiljevič vajehtab professijan»-fil'mas kacujad nägištiba Šurikad jo aigvoččen da arvostadud tedomehen[9]. Šurikan geroi ezmäižen kerdan sai täuden nimen — Aleksandr Srgejevič Timofejev, mugažo ozutihe fil'mas must-tukaižen. Nece fantastine komedii oli popul'arižemb kaikid fil'm vodel 1973[7][10].

Akt'oran valičend

Idei tehta komedijad nügüdläižes mez'kundas sündui kino-ohjandajan Leonid Gaidajan päs jäl'ghe «Azjakahad ristitud»-fil'man lähtendad, miččen pohjaze om pandud О. Genrin kirjutesed. Gaidajale tuli mel'he scenarii, mitte sai «Ilokahad istorijad»-nimen, kus starinoitihe lapseližen, no udatikahan Vladik Ar'kovan vesl'ad azjtegod. Scenarijoiden avtorad oliba Moris Slobodskoi da Jakov Kost'ukovskii, ezmäine kudambišpäi jo radoi ühtes kino-ohjandajanke ezmäižen «Ženih siš miruspäi»-komedijan tegemižen aigan[11]. Kevädel vodel 1964 «„Ы“-operacii da Šurikan toižed ilokahad azjad»-komedijan scenarii oli vahvištadud «Mosfil'm»-kinostudijan radnikoil[1].

Ezmäks pätihe antta pägerojale Vladik Ar'kov-nimen, no cenzura heiti necidä idejad varaites tarbhatomid melid Vladimir Iljič Leninan polhe. No Gaigajan täht ei olend muga tärged, mitte linneb gerojan nimi, hän lujas tahtoi, miše gerojad voiži nimitada laskvemba, miše voiži ozutada, mitte prost mez' hän om. Muga Vladikad vajehtihe Šurikaks[7].

Ectä Šurikad zavodihe kezal vodel 1964. Üläopenikan rolihe tahtoiba putta mugoižed akt'orad kut: Jevgenii Žarikov, Andrei Mironov, Vitalii Solomin, Oleg Vidov, Valerii Nosik, Ivan Bortnik, Jevgenii Petros'an, Aleksandr Zbrujev, Gennadii Korol'kov da Vsevolod Abdulov. Kino-ohjandai valiči Aleksandr Demjanenkod, kudamb radoi sil aigal Piteriš[1].

Ezmäižed sjomkad

«„Ы“-operacii da Šurikan toižed ilokahad azjad»-fil'man sjomkad mäniba Moskvas, Leningradas, Jaltas da Odessas vozil 1964-1965. Ezmäks tahtoitihe nimitada fil'mad «Ilokahad istorijad». Ezmäine sjomkoiden päiv oli 27. heinkud vodel 1964 «Mosfil'm»-kinostudijas. Smindihe «Milicijan tanhal»-scenan, kus anttihe radod «humalnikoile, pahoile mehile, laškile mehile». Necidä idejad ottihe Gaidajan elostarinaspäi: vodel 1942, konz hän služi armijas, tuli vojenkom, kudamb tariči Leonid Iovičale tulda erazvuiččihe voinerištoihe, a Gaidai pakiči lugeda kaiken lugetišen[7][12]. Äjid komedijan scenoid akt'orad toiba eloho ani sjomkoiden aigan. Ozutesikš, idei manitajan verenke, mitte om rusked vin, sündui Jurii Nikulinan päs[7].

Sügüzel sjomkoiden grupp sirdihe Odessaha, kus snimdihe «Lidan pertinno»-epizodan «Navaždenije»-novellaspäi, mugažo erasid scenoid sauvondsijal ezmäižes novellaspäi. 12. tal'vkud akt'orad läksiba Leningradha koumanden novellan sjomkoihe, tego oli tal'vel, vaiše lunt lidnas oli lujas vähän. Todud kümnil kormmašinoil lumi ehti sulada völ edel sjomkoid, sikš pidi tehta manitajad lunt. Sjomkad lopihe sulakun augotižes vodel 1965, a fil'm läksi eloho kesk elokud[7].

Gerojan painastuz Aleksandr Demjanenkon elo-ozan päle

Aleksandr Demjanenko, kudamb vändi sovetskijas fil'mas Šurikad, jäl'ghe Gaidajan tehtud komedijoid putui ühten rolin valdaha, kacmata sihe, miše akt'or tegihe popul'arižeks völ aigemba. Hänen fotokuvad mödihe kioskoiš da čomenzoitiba kulehtesiden korid jäl'ghe Villen Azarovan «Vanhembad lapsed (fil'm)» komedijan lähtendad, mitte tegihe ühteks populärižembiš fil'moišpäi vodel 1962.Demjanenkon toižed znamasižed radod oliba psihologina «Porožnii reis»-drama (1962) da «Valdkundaline vihanik»-detektiv (1964). Völ üks' unohtamatoi rol' oli leitenant Ijevlev «Mir tulijale»-fil'mas. Vaiše Šurikan rolin jäl'ges meled ilokahan da ustavakahan üläopenikan polhe telusti akt'orale sada surembid rolid, sen taguiči hän harvoin tuli ekranale da tuli pahaze mel'he necen polhe. Hot' händast snimdihe kut aigemba-ki, kucundoid hüvihe rolihe hänel ei olend[1][8][11][12].

Šurik XXI-voz'sadal

Šurik jätktab eläda nügüdläižes-ki kinos. Vodel 2014 hän pörzihe ekranoile sovetskijan «Kavkazan plennic!»-komedijan remeikas, sen kino-ohjandai om Maksim Voronkov. Sigä hän ei ole üläopenik etnografižes tedištuzmatkas, a professionaline lehtmez' ičeze videokameranke, vaiše hänen irdnägo da taba jäiba vajehtamatomikš. Necidä rolid vändi Dmitrii Šarakois, händast änesti Sergei Burunov[1].

31. tal'vkud vodel 2023 kacujad nägištiba «Ivan Vasiljevič vajehtab kaiken»-fil'man, mittušt snimiba kino-ohjandajad Mihail Semičev da Roman Kim. Neciš projektas Šurik tegihe inženeraspäi melekshaks IT-azjantundijaks-frilanseraks, kudamb tegi ičeze fateras aigmašinan, vaiše necil kerdal se radab VPNan kal't. Nügüd' hänele tarbiž lähtta männudehe aigaha ei vaiše manitajanke Miroslavskijanke, no völ eläban Ivan Groznijanke, miše vajehtada kaik tehtud heiden vigad mail'man istorijas. Gerojan päroliš om Demis Karibidis[3][13].

Vestatused gerojan modkuvanke

Kümniden voziden sirttes jäl'ghe Gaidajan komedijoiden premjeroid meiden man erazvuiččiš čogaižiš pandihe vesttud kompozicijad, miččed om omištadud Šurikale da Lidale[9] Aleksandr Demjanenkon da Natalja Selezn'ovan roliš. Ned om pandud edel Moskvan ekonomikan institutad Plehanovan nimel, läheli R'azanin valdkundališt universitetad S. Jeseninan nimel da Kubanin tehnologižen universitetan vasthapäi. Mugažo tetab «Šurik»-vestatuz čomenzoitab Toljattin valdkundaližen universitetan päpertin pordhaižid — siš om ozutadud üläopenik, kudamb rigehtib urokoile[1][14].

  • Muštpacaz Šurikale da Lidale läheli R'azanin valdkundališt universitetad
    Muštpacaz Šurikale da Lidale läheli R'azanin valdkundališt universitetad
  • Muštpacaz Šurikale da Lidale Krasnodaran keskallejal
    Muštpacaz Šurikale da Lidale Krasnodaran keskallejal

Kacu mugažo

  • Natalja Varlei
  • Nina Grebeškova
  • Frunzik Mkrtčan
  • Vladimir Etuš
  • Aleksandr Zacepin
  • Leonid Derben'ov
  • «P'os Barbos i neobičnii kross»
  • «Samogonščikad»
  • «Klubnička» (teleserial)

Literatur

  • Skriptitõrge: Moodulit "String" pole. Александр Демьяненко // Короли комедии. — М.: Алгоритм, 2003. — 398 с. — Skriptitõrge: Moodulit "Transclude" pole..
  • Skriptitõrge: Moodulit "String" pole. «Не жди меня мама, хорошего сына…» // Весёлая троица — Вицин, Моргунов, Никулин. — М.: Центрполиграф, 2000. — 317 с. — Skriptitõrge: Moodulit "Transclude" pole..
  • Волков А. Кавказская пленница, или Новые приключения Шурика // Российский иллюзион / Научный редактор Л. А. Парфёнов. — М.: Материк; НИИ киноискусства, 2003. — 732 с. — ISBN 5-85646-100-2.

Homaičendad

  1. ↑ 1,0 1,1 1,2 1,3 1,4 1,5 1,6 1,7 1,8 Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  2. ↑ 2,0 2,1 2,2 2,3 2,4 Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  3. ↑ 3,0 3,1 3,2 3,3 3,4 3,5 Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  4. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  5. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  6. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  7. ↑ 7,00 7,01 7,02 7,03 7,04 7,05 7,06 7,07 7,08 7,09 Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  8. ↑ 8,0 8,1 8,2 Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  9. ↑ 9,0 9,1 9,2 9,3 Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  10. ↑ 10,0 10,1 10,2 10,3 10,4 Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  11. ↑ 11,0 11,1 Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  12. ↑ 12,0 12,1 Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  13. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  14. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.

Skriptitõrge: Moodulit "Check for unknown parameters" pole.

Tarkendused

Leheküljel Šablon:Modul':Significance/styles.css puudub sisu. Skriptitõrge: Moodulit "Unsubst" pole.

Om sadud "https://vep.megawiki.ru/w/index.php?title=Šurik_(fil%27m)&oldid=13947"