Černogorsk

<table class="infobox infobox- " style="" data-name="El6ndtaho" >

Černogorsk (ven.: Черногорск, hak.: Харатас) om Venäman lidn da lidnümbrik Hakasijan Tazovaldkundas. Se om tazovaldkundan kahtenz' surtte lidn, Abakan-pälidnan pohjoine kaimdailidn.

Istorii

Eländpunktan aluz om pandud vl 1907 kuti Černogorskije Kopi-žilo samha kivihil't. Vl 1936 žilod ühtištoittihe lähevenujidenke kaivuzžiloidenke da anttihe lidnan statusad udenke nügüdläiženke nimenke. Vll 1942−1955 kävutihe türmatud mehiden radod kaivuziš, heiden lugumär saihe 12 tuhazesai aigoidme.

Černogorskan ižandusen päsarak om kivihilen samine tähäsai.

Geografijan andmused

Lidn seižub vides kilometras Jenisei-jogen hural randalpäi, Minusinskan katl'uses. Matkad lidnan röunaspäi Abakanan röunhasai om 5 km suvhe. Lidnanvuitte Ust'-Abakan-žilo sijadase Černogorskan da Jenisein keskes.

Lidnanvuitte Prigorsk-žilo mülüb Černogorskan lidnümbrikho mugažo (2392 rist. vl 2017).

Eläjad

Vn 2010 Venäman rahvahanlugemižen mödhe eläjiden lugu oli 72 147 ristitud. Kaikiš suremb ristitišt oli läz 80 tuhad eläjid vozil 1986−1998 i 75 419 eläjad vl 2020.

Ortodoksižen hristanuskondan viž jumalanpertid, valatusiden pühäpert' i časoun' oma olmas lidnas.

Kaks' specialižen keskopendusen aluzkundad om lidnas: mehaniž-tehnologine i mägisauvondan tehnikumad.

Galerei

• 
  Muštnik ezmäižen kaivuden Vera Balandina-alusenpanijale
• 
  Muštnik pölištunuzile kaivajile i Pühän Jumalanmaman sündundan jumalanpert' (om saudud vll 1989−1992) tagamal, vn 2013 nägu
• 
  Muštnik Birm-garnizonan sodaaviaškolan lendajile vl 2013
• 
  Škol nomer 4 (2006)
• 
  Znam lidnan röunal vl 2002

Irdkosketused

• Lidnan tobmuden aluzkundoiden oficialine sait (chernogorsk.com). (ven.)