Čelentano Adriano

<table class="infobox infobox- " style="" data-name="Personalii" >

Adriano Čelentano (ital.: Adriano Celentano; sünd. 6. viluku 1938, Milan, Italii) om italijalaine pajatai, akt'or, režissör da prodüser.

Biografii

Adriano om sündnu Milan-lidnha. Vl 1957 sai vägestust italižen rok'n'rollan ezmäižel konkursal. Vl 1961 pajatai ühtni ezmäižen kerdan Sanremon muzikfestivalihe Ventiquattromila baci-pajonke. Kaičendministran eriline laskend pidi olnudele armijas sodamehele ühtemha neche festivalihe. Pajatai kärouzi sel'gäl kacujile ezinendan zavodindas, laudkund lugi necidä ustavatomaks da andoi vaiše kahtenden sijan. Sil-žo vodel hän lopi kontraktad Jolly:nke, kerazi ičeze parahimid sebranikoid da sädi änetamižen «Clan Celentano»-markad.

Vl 1962 pajatai sai vägestust «Kantadžiro»-konkursal, ezini Stai lontana da me-pajod. Sen jäl'ghe hän tegi gastrolid Francijadme da Ispanijadme, sädi TV-programiden ičeze serijad.

Vl 1987 Adriano akanke ajelihe Nevondkundaližhe Ühtištushe üks'jäižen kerdan ičeze Dzoan Lui-fil'man ezmäižele ozutesele. Kacmata sihe, miše hän mokičese aerofobijaspäi, pajatai tegi erind NSTÜ:n täht da tuli lendimel. Artist andoi kaks' koncertad Moskvan «Olimpijskii»-sportkompleksas, se oli hänen ezmäine ezituz kahesas vodes. Keskuztelevizii fil'mzi koncertan TV-versijad.

Nügüd' Adriano jätktab sädamižradmižen i eläb erižpertiš, Lacio-agjas.

Adriano om nainu vn 1964, Klaudia Mori om hänen ak. Heil om kaks' tütärt da üks' poig: Rosita, Rosalinda da Džakomo. Tähäsai üks'jäine Samuel'-poiganpoig om Adrianol Klaudianke.

Diskografii

Al'bomad

1960 — Adriano Celentano con Giulio Libano e la sua orchestra 1960 — Furore 1962 — Peppermint twist 1963 — A New Orleans 1965 — Non mi dir 1966 — La festa 1966 — Il ragazzo della via Gluck 1968 — Azzurro/Una carezza in un pugno 1968 — Adriano Rock 1969 — Le robe che ha detto Adriano 1970 — Il forestiero 1971 — Er più – Storia d’amore e di coltello 1972 — I mali del secolo 1973 — Nostalrock 1975 — Yuppi du 1976 — Svalutation 1977 — Disco dance 1977 — Tecadisk 1978 — Ti avrò 1978 — Geppo il folle 1979 — Soli 1979 — Me, live!

1980 — Un po’ artista un po’ no 1981 — Deus 1982 — Uh… uh… 1983 — Atmosfera 1984 — I miei americani 1985 — Joan Lui 1986 — I miei americani 2 1987 — La pubblica ottusità 1991 — Il re degli ignoranti 1994 — Quel punto 1995 — Alla corte del remix 1996 — Arrivano gli uomini 1998 — Mina Celentano 1999 — Io non so parlar d’amore 2000 — Esco di rado e parlo ancora meno 2002 — Per sempre 2004 — C’è sempre un motivo 2007 — Dormi amore, la situazione non è buona 2011 — Facciamo finta che sia vero 2012 — Adriano Live 2016 — Le migliori

Fil'mografii

• «Lapsed da muzikaline avtomat» (1959) — Adriano
• «Ülävarghuz Milanas» (1965) — Serdžio
• «Serafino» (1969) — Serafino Fiorin
• «Emigrant» (1973) — Peppino Kaval'jo
• «Juppi-du» (1975) — Feliče
• «Blef» (1976) — Feliks
• «Džeppo-meletoi» (1978) — Džeppo-meletoi
• «Barhatižed käduded» (1979) — Gvido Kviler
• «Sobat, pühäpäiv da pätnič» (1980) — Konstantin
• «Nenavašoin tüništoitmine» (1980) — Elia Kodonjo
• «Mel'dünu meletomašti» (1981) — Barnaba Čikini
• «Bingo-Bongo» (1982) — Bingo-Bongo
• «Sur' «Eksel'sior»-adivpert'» (1982) — adivpertin Tadeus-menedžer
• «Sing-sing» (1983) — Al'fredo
• «Džoan Lui» (1985) — Džoan Lui
• «Čan'ž» (1986) — Tito Torrizi
• «Džakpot» (1992) — Furio

Mel'hetartujad faktad

• Čelentano ei sö lihad vspäi 2005, hän kaičeb živatoiden oiktusid.
• Hän om «Inter»-futbolkluban himokaclijan.

Irdkosketused

• Adriano Čelentanon oficialine sait (clancelentano.it). (ital.)