Krasnoje Selo

<table class="infobox infobox- " style="" data-name="El6ndtaho" >

Lidn Piterin i sen rajonan kartal

Krasnoje Selo (ven.: Красное Село, vepsäks «rusked/čoma žilo», suom.: Kraassela) om Venäman lidn Piterin röunoiš, sen suves. Se mülüb Krasnosel'skii-rajonha, otab sen suvipalad.

Istorii

Petr I pani eländpunktan alust vl 1714 kuti Pert'kulun Krasnoje-külä (ven.: дворцовое село Красное) sijadamha bumagfabrikad. 19. voz'sadal Krasnoje Selo oli Venäman imperijan sodavägiden kezaližeks päsijaduseks. Külä sai lidnan statusad vl 1925.

Lidn šingotase plastikantegimel da karvanfabrikal.

Geografijan andmused

Lidn sijadase Ižoran ülüden kukhil. Nimetoi-järv da Dudergofk-jogi oma ülüden pohjanno.

Ühtennimine raudtestancii ühtenzoitab lidnad Baltijan päraudtestancijanke. Kaik om 3 raudtestancijad, mugažo avtobusstancii om olmas. Lähembaine metro om Prospekt Veteranov-metrostancii.

Eläjad

Vn 2010 Venäman rahvahalugemižen mödhe lidnaneläjiden lugu oli 44 323 ristitud. Kaikiš suremb ristitišt om nügüd'. Ortodoksižen hristanuskondan kaks' pühäpertid oma olmas lidnas.

Galerei

• 
  Vezičuhunduz (2018)
• 
  Pühän Stroican jumalanpert', vn 2021 nägu
• 
  Suren Mihail Pavlovič-ruhtinasen pert'kulu i Pert'kulun puišt vl 2015
• 
  Sildansauvondan organizacijan kontor i kommertine sauvuz
• 
  Krasnoje Selo-raudtestancii, sen sauvuz i torg päraudtestancijanno (2021)

Irdkosketused

• Municipaližen «Krasnoje Selo-lidn»-ühtnikan tobmuden aluzkundoiden oficialine sait (krasnoe-selo.ru). (ven.)