Aleksandr Maršal

<table class="infobox infobox- " style="" data-name="Музыкант" itemscope itemtype="http://schema.org/Person">Aleksandr Maršal

Aleksandr Maršal (ven.: Александр Маршал, todesine nimi om Aleksandr Vitaljevič Min'kov (ven.: Александр Витальевич Миньков, ) om Venäman eläi, venäkeline i anglijankeline rok-muzikant, gitarin vändai, pajanik da muzikan kirjutai. Venäman arvostadud artist (2007). Om tutab "Cveti" da "Park Gor'kogo"-pajogruppoiden ühtnik. "Šanson goda", "Zolotoi grammofon" - premijoiden laureat, "Pesni goda"-festivalin laureat.

Om pandud Ukrainan, Kanadan, Latvian sankcijoiden lugetišehe.

Elostarin

Aleksandr om sündunu Korenovsk-stanical. Hänen tat Vitalii Min'kov oli voinlendajan-opendajan (1932-2001). Mamoi L'udmila Min'kova (1930-2015) oli hambazlekarin. Konz Aleksandrale täudui 7 vot, hän läksi školha da zavodi opetas väta fortepianol. Vodel 1972 hän sirdihe Sal'sk-lidnaha. Vodel 1974 hän putui Stavropolin voin-aviacijan korktaha školha. Openzihe kaks' vot. Taci opendusen da pajati restoranas. Hän kirjuti ezmäižen pajon völ školas. "Maršal"-nimen sai voinučiliščas.

Muzik

Hän tuli Moskvaha vodel 1980. Ezmäks Aleksandr ühtni «Cveti»-muzikgruppaha, sid' «Araks»-muzikgruppaha. Radoi restoranoiš sihesai, kuni händast homaiči Stas Namin. Hän kucui Aleksandrad "Park Gor'kogo"-muzikgruppaha. Vozil 1987-1990 Aleksandr oli «Gorky Park»-muzikgruppan gitaristan, vodel 1990 hän tegihe solistaks Nikolai Noskovan sijas. Vodel 1998 Aleksandr pästi ičeze ezmäižen «Možet bit'»-al'boman. Vodell 2001 sai «Zolotoi grammofon»-premijan «Belii pepel»-pajos.

Kanz

Om nainu koume kerdad. Hänel om kaks' last - Polina-tütär (sün. 12. semendkud vodel 1989) toižes nainandas da Art'om-poig (sün. 18. kezakud vodel 1997) koumandes.

Vodel 2016 vastsihe Juliana Koptevanke (sün. 5. sulakud vodel 1984), vip-personoiden ekskort-agenstvan modelinke.

Vodelpäi 2017 vastase Karina Nugajevanke (sün. 23. semendkud vodel 1993), radiotoimišton «Šanson» toimitajanke bohatas kanzaspäi.

Sankcijad

7. vilukud vodel 2023 om mülütadud Ukrainan sankcionižehe lugetišhe.

3. uhokud vodel 2023 om mülütadud Kanadan sankcionižehe lugetišhe.

17. keväz'kud vodel 2023 Latvian Verazmaižiden azjoiden ministerstv kel'di Aleksandr Maršalad toižiden venälaižiden kul'turradnikoiden keskes tulendaspäi Latvijaha.

Diskografii

Al'bomad

ven.: От берега до берега;

ven.: Может быть…;

ven.: Там, где я не был;

ven.: Горец;

ven.: Особый;

ven.: Белый пепел;

ven.: Батя;

ven.: Отец Арсений;

ven.: Летят журавли…;

ven.: Или так;

ven.: Жизнь взаймы;

ven.: Парусник;

ven.: Где ночует солнце;

ven.: До свидания, полк;

ven.: До восхода ночной звезды;

ven.: Обернись.

Homaičendad

Lähtked

• Маршал отреагировал на включение его в латвийский санкционный список: «Я даже не хочу знать, где находится эта страна»