Maler Gustav

<table class="infobox infobox- " style="" data-name="Personalii" >

Gustav Maler (saks.: Gustav Mahler [ˈmaːlɐ]; sünd. 7. heinku 1860 Kalište-külähä (nüg. Čehanmas), Bogemii, Avstrijan imperii — kol. 18. semendku 1911, Ven, Avstrijan da Mad'jaranman imperii) oli avstrine muzikankirjutai. Elon aigan hän oli tetab professionaližes kundas kuti operoiden da simfonijoiden dirižor. Kirjuti saksan kelel.

Biografii

Mez' oli sündnu aškenazi-evrejalaižiden Bernhard i Mari kanzha kahtenden lapsen nell'toštkümnespäi. Kändihe Venan konservatorijan pästnikaks vl 1878. Maler sai tetabut kuti simfonijoiden kirjutai pol'voz'sadas ičeze surman jäl'ghe, hänen muzik löuzi avarod el'gendust 1960-nziš vozišpäi.

Gustav oli nainu vl 1902, Al'ma Marija Šindler (möhemba Maler-Verfel', 1879−1964) oli hänen ak. Sündutihe kaht neičukašt naimiželos: Marija i Anna, vaiše Anna oli täuz'kaznudeks.

Sädamine

Muzikankirjutai sädi ühesa nomeruidud simfonijad (nomer 1 — nomer 9) vll 1884−1909, toine mäneb toižen jäl'ghe i lähteb edeližespäi. Kümnenz' simfonii jäi kesken. Toižed sädused oma pajoiden kogodused: «Matkadajan alamastaran pajod» (saks.: Lieder eines fahrenden Gesellen, 1885−1886), «Prihaižen noidustai sarvut» (Des Knaben Wunderhorn. Humoresken — 12 pajod, 1892−1901), «Pajo Mas» (saks. Das Lied von der Erde, 1908−1909).

Mez' tegi kuti sildad 19. voz'sadan saksalaižen romantizman i 20. voz'sadan modernizman keskes. Maleran sädusiden lugu ei ole sur', no niiden edestused oma levitadud avaros.

Irdkosketused

• Rahvahidenkeskeine sebr Gustav Maleran muštoks (gustav-mahler.org, vspäi 1955) sädusiden täudenke nimikirjutesenke. (saks.)  (angl.)

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.