Adams Brajan

<table class="infobox infobox- " style="" data-name="Музыкант" itemscope itemtype="http://schema.org/Person">Brajan Adams

Brajan Gai Adams (ven.: Брайан Гай Адамс, angl.: Bryan Guy Adams, franc.: Bryan Adams; ) om kanadalaine rokpajatai, mizukan kirjutai, gitarist, fotokuvadai, kudamb zavodi ičeze karjeran šoubiznesas vodel 1976 rokjoukuiš. Hänen ezmäine al'bom läksi eloho vodel 1980, а vodel 1985 hän ezmäižen kerdan ohjanzi Billboard Hot 100 rok-balladanke "Heaven". Neciš žanras hän sai tetabut kaikes mail'mas.

Personaline elo

Brajan om sündnu Ontario-provincijan Kingston-lidnas angliankeližes kanzas; hänen mam da bab oma Mal'talpäi. Brajanan tat om diplomat, vozil 1960 kanz kävui erazvuiččiš maiš: Anglijas, Kanadas, Izrail'as, Francijas, Portugalijas da Avstrijas. Azotihe Vankuveras, kus Brajan 15-voččen zavodi ičeze muzikaližen karjeran jäl'ghe školad.

Brajan om vegan. Nügüd' eläb Kanadas, Vankuver-lidnas, ende eli Francijas. Brajan tugedab Čelsi-jaugmäčkluban, hänen pajo "We’re Gonna Win" al'bomaspäi "18 Til I Die" om sen polhe.

Vankuveras avaiži personaližen än'kirjutezstudijan da nimiti sidä "The Warehouse Studio".

Eläb Alisija Grimal'dinke. Konz hänele oli 51 hänel 22. sulakud vodel 2011 sündui ezmäine tütär, kudambale muzikant andoi nimen Mirebella-Banni Hrimal'di Adams. 14. uhokud vodel 2013 Brajan da Alisia tedotiba toižen tütren sündundas, kudambad nimitiba Lula Rozi Li.

Hänel oma pertid Londonas da Parižiš.

Rad

Ezmäine satuz vodel 1985 "Heaven"-pajo putui Amerikan da Velikobritanijan hit-paradan sijale.

Vozil 1990 oli kuverz'-se lirižid gitarballadoid, miččed hän kirjuti fil'moiden täht da oliba sirttud Oskar-premijale: "(Everything I Do) I Do It for You", "All For Love", "Have You Ever Really Loved a Woman?", "(Everything I Do) I Do It For You".

Brajan muzika om 42 fil'mas.

Vodel 2007 oli sirttud ven.: «Золотой глобус»-premijale Bobbi-fil'man muzikan kirjutandas.

Vodel 2002 Andrei Končalovskijan ven.: «Дом дураков»-fil'mas vändi kameo-roliš. В марте 2011 года Брайан Адамс получил звезду на Аллее славы в Голливуде.

Vodel 2018 Čikago-lidnas da Brodvejal tegi m'uziklan "Pretty woman".

Koncertoil kucub neiččid, kudambad tetas hänen repertuaran, lavale, miše pajatada ühtes.

Adams ei üht kerdad ühtni koncertoihe Moskvas. 29. kezakud vodel 2012 Brajan Adams ezini koncertal Moskvas Krokus Siti Holl-zalas.

25. kezakud vodel 2019 The New York Times Magazine johtuti Brajan Adamsan pajatajiden keskes, kudambiden material oli kadotadud Universal Studios Hollywood pažaran aigan vodel 2008.

Diskografii

• 1980 — Bryan Adams;
• 1981 — You Want It You Got It;
• 1983 — Cuts Like a Knife;
• 1984 — Reckless;
• 1987 — Into the Fire;
• 1991 — Waking Up the Neighbours;
• 1993 — So Far so Good;
• 1996 — 18 til I Die;
• 1998 — On a Day Like Today (Päiväl tämbäižen kartte);
• 2002 — Spirit: Stallion of the Cimarron;
• 2004 — Room Service;
• 2008 — 11;
• 2014 — Tracks of My Years;
• 2015 — Get Up;
• 2019 — Shine a Light;
• 2022 — Pretty Woman — The Musical;
• 2022 — So Happy It Hurts;
• 2022 — Classic;
• 2025 — Roll With the Punches.

Melentartuižed faktad

• Brajan eläb koumepertin, kodid oma Vankuveras, Parižas da Londonas.
• Brajan ei sö lihad.
• Hän om "Čelsi"-jaugmäčkluban laučvoibištelii.
• Hän oli kameo "Uradoiden kodi"-filmas.

Lähtked

• Brajan Adamsan oficialine sait (bryanadams.com). (angl.)
• Brajan Adamsan organizacii (thebryanadamsfoundation.com). (angl.)